ბითაძის 8 ქულა - გოგა და სანდრო ახალი სეზონისთვის ემზადებიან

ქართველი კალათბურთელების გუნდები NBA-ს ახალი სეზონისთვის აქტიურად ემზადებიან.

წინასასეზონო მოსამზადებელი ეტაპის ფარგლებში მილოუკი ბაქსმა და ინდიანა პეისერსმა მორიგი ამხანაგური შეხვედრები გამართეს.

მილოუკი საკუთარ მოედანზე „ბრუკლინ“ ნეთს შეხვდა და 10 ქულის სხვაობით, 107:97 დამარცხდა. სანდრო მამუკელაშვილს დღევანდელ მატჩში მხოლოდ 4:31 წუთი დაეთმო, თუმცა ამ დროის განმავლობაში სანდრომ შედეგიანი სროლის განხორციელება ვერ შეძლო.

რაც შეეხება გოგა ბითაძეს, ქართველი ცენტრის გუნდი შინ „ნიუ იორკ ნიქსს“ დაუხვდა და 9 ქულის სხვაობით, 109:100 დაამარცხა. გოგა თამაშში სათადარიგოდა სკამიდან ჩაერთო და მოედანზე გატარებულ 7:40 წუთში 8 ქულა, 1 მოხსნა, 1 ასისტი და 2 ბლოკი მოაგროვა. ქართველმა ცენტრმა 3-დან 3 ორქულიანი და 2-დან 2 სამქულიანი ჩააგდო. საგულისხმოა, რომ მცირე დროის მიუხედავად, გოგა მარგი ქმედების კოეფიციენტის მხრივ თავის გუნდში მეორე იყო.

ინდიანა პეისერსი მომდევნო ამხანაგურ შეხვედრას ხვალ, სტუმრად „ჰიუსტონ როქეთსის“ წინააღმდეგ გამართავს.