ზვერევმა მძიმე ტრავმა მიიღო - ნადალი როლან გაროსის ფინალში გავიდა
ესპანელი ჩოგბურთელი, რაფაელ ნადალი „როლან გაროსის“ ფინალში გავიდა და 22-ე სლემის დასაკუთრებას შეეცდება. ნახევარფინალში, რაფას მეტოქე ალექსანდრ ზვერევი გახლდათ, რომელიც მრისხანე ოპონენტს დიდ წინააღმდეგობას უწევდა, მაგრამ ტრავმის გამო, მატჩის გაგრძელება ვერ მოახერხა.
ნადალმა პირველი სეტი ტაიბრეიკზე მოიგო 7:6 (10:8). არადა ზვერევს 4 სეტპოინტი ჰქონდა და სასურველ შედეგამდე ძალიან ახლოს იყო. მეორე პარტიაც თანაბარ ბრძოლაში მიმდინარეობდა, თუმცა მე-12 გეიმის ბოლოს ყველაფერი რადიკალურად შეიცვალა
ზვერევმა მძიმე ტრავმა მიიღო და წაიქცა, რა დროსაც ყვირილი აღმოხდა. გერმანელმა კოჭი დაიზიანა და კორტი სავარძელ-ეტლით დატოვა. რამდენიმე წუთის შემდეგ, იგი კორტზე ყავარჯნების დახმარებით დაბრუნდა და მსაჯს შეატყობინა, რომ თამაშის გაგრძელებას ვეღარ ახერხებდა.
No puede ser ????
— Eurosport.es (@Eurosport_ES) June 3, 2022
Zverev se rompe en plena batalla feroz con Nadal
Sus gritos son escalofriantes...#RolandGarros pic.twitter.com/c7QyyqL39S
სოციალურ ქსელებში ზვერევს მხარდაჭერა ბევრმა ცნობილმა ადამიანმა გამოუცხადა. ერთ-ერთი მათგანი ანა ივანოვიჩი იყო, რომელმაც გერმანელ ჩოგბურთელს სწრაფად გამოჯანმრთელება უსურვა. ნადალს რაც შეეხება, ფინალურ შეხვედრაში მისი მეტოქის ვინაობა დღეს გაირკვევა და რაფა რუუდისა და ჩილიჩის წყვილში საუკეთესოს დაუპირისპირდება.
