ნევილი: ტენ ჰაგს 2-3 წელი ტიტულებს არ მოვთხოვდი, კლოპის მაგალითი ავიღოთ

გარი ნევილმა „მანჩესტერ იუნაიტედის“ მწვრთნელად ერიკ ტენ ჰეგის დანიშვნაზე ისაუბრა.

„ის, რასაც ახლა ვხედავთ, მიუღებელია. ეს უნდა განიხილებოდეს კლუბში და ტენ ჰაგს ბევრი სამუშაო აქვს გასაკეთებელი იმისათვის, რომ გუნდი მინიმალურ სტანდარტებს დაუბრუნდეს. ეს ეხება დამოკიდებულებას, სამუშაო ეთიკას, რწმენას და თავდაჯერებულობას და ამის შემდეგ, იმედია, შეგვეძლება დავიწყოთ ფიქრი ტიტულებზე.

მაგრამ პატიოსნად, მე არ განვახორციელებდი დიდ ზეწოლას ტენ ჰაგზე და არ მოვითხოვდი თასებს პირველ ან ორ სეზონში. კარგი იქნება, თუ ამას მიაღწევს, ვფიქრობ ეს სუპერ წარმატება იქნება.

იქამდე სხვა დავალებები იქნება: ტოპ 4-ში მოხვედრა, კლუბში მოიყვანონ მოთამაშეები, რომელთა ნახვაც მენეჯერს სურს და შემდეგ თქვენ უნდა შექმნათ სისტემა, რომელიც მოგცემთ ნდობას.

კლოპს 4-5 წელი დასჭირდა პრემიერ ლიგის მოსაგებად და მან შესანიშნავი სამუშაო შეასრულა. ტენ ჰაგზე ზეწოლას არ მოვახდენდი და პირველ 2-3 სეზონში პრემიერლიგის გამარჯვებას არ მოვითხოვდი. მანჩესტერ იუნაიტედი ამისგან ახლა მილიონი მილის დაშორებით იმყოფება.

გასული სეზონის ბოლოს მეგონა, რომ გუნდი ახლოს იყო, მაგრამ ყველაფერი დაინგრა. არ ვიცი ეს რატომ მოხდა. ტენ ჰაგმა უნდა შეკრიბოს ეს ყველაფერი.

ასე რომ, საწყისი ეტაპი არის საფუძვლების ჩაყრა იმისა, რისი მიღწევაც მას სურს და უკვე მესამე, მეოთხე, მეხუთე წელს მისგან ტიტულების მოთხოვნა შეგეძლება“.

- განაცხადა ნევილმა.