ჰამბურგი გულშემატკივარს ქართულად მიესალმა
საქართველოს ეროვნული ნაკრების ფეხბურთელი, გიორგი ჩაკვეტაძე კარიერას გერმანიის ბუნდესლიგა 2-ის ჰამბურგში გააგრძელებს. კლუბმა ინფორმაცია ოფიციალურად დაადასტურა და დაწერა, რომ იჯარა 2022 წლის 30 ივნისამდე გაგრძელდება.
ქართველი გულშემატკივარი სიახლეს განსაკუთრებული აქტიურობით შეხვდა, რაც კლუბის სოციალურ მედიას არ გამორჩენია:
ახალი გულშემატკივარი ყოველთვის მისასალმებელია, - დაწერა კლუბმა ქართულად.
ახალი გულშემატკივრები ყოველთვის მისასალმებელია HSV-ში! ???????????? #nurderHSV #Chakvetadze https://t.co/AAGapGmAdm
— HSV English (@HSV_English) January 27, 2022
ბოლო პერიოდში გენტის მთავარი მწვრთნელი ქართველ ფეხბურთელს აღარ ენდობოდა და მეტიც, გააკრიტიკა. ჰაზენჰატლის თქმით, გიორგის მიცემული სათამაშო დრო სწორად უნდა გამოეყენებინა.
მიმდინარე სეზონში გიორგი ჩაკვეტაძემ ბელგიის ჩემპიონატის 8 მატჩში 2 საგოლე გადაცემა შეასრულა, კონფერენს ლიგის 3 შეხვედრაში 1 საგოლე გადაცემით გამოიჩინა თავი, ხოლო ბელგიის თასზე თანაგუნდელებს გოლითა და 2 საგოლე პასით დაეხმარა.
