ჯოკოვიჩმა დაადასტურა - ნოლე ავსტრალიის ღია პირველობაზე ითამაშებს
მსოფლიოს პირველი ჩოგანი, ნოვაკ ჯოკოვიჩი ავსტრალიის ღია პირველობაზე მონაწილეობას მიიღებს და ტიტულს დაიცავს. „ნოლემ“ „ტვიტერის“ საკუთარ გვერდზე პოსტი გამოაქვეყნა და ქომაგებს აუწყა, რომ წლის პირველი დიდი სლემი მის გარეშე არ ჩაივლის.
„ახალ წელს გილოცავთ! ჯანმრთელობას, სიყვარულსა და ბედნიერებას გისურვებთ და დაე, სიყვარული და პატივისცემა ამ საოცარი პლანეტის ყველა ცოცხალი არსებისადმი გეგრძნოთ. საჩოგბურთო შესვენებისას ჩემს საყვარელ ადამიანებთან ერთად საოცარი დრო გავატარე და ახლა ავსტრალიაში მივემგზავრები“.
Happy New Year! Wishing you all health, love & joy in every moment & may you feel love & respect towards all beings on this wonderful planet.
— Novak Djokovic (@DjokerNole) January 4, 2022
I’ve spent fantastic quality time with loved ones over break & today I’m heading Down Under with an exemption permission. Let’s go 2022! pic.twitter.com/e688iSO2d4
ჯოკოვიჩის თქმით, მან ტურნირის ორგანიზატორებისგან Covid-19-ის ვაქცინისგან სამედიცინო გამონაკლისის სტატუსი მიიღო. როგორც მოგეხსენებათ, სერბი ჩოგბურთელი სავალდებულო ვაქცინაციის წინააღმდეგია და საკუთარი პოზიცია საჯაროდ რამდენჯერმე დააფიქსირა.
შეგახსენებთ, რომ ავსტრალიის ღია პირველობა 17 იანვარს დაიწყება და „ნოლეს“ ეს ტურნირი მოგებული 9-ჯერ აქვს. ჯოკოვიჩთან ერთად, მელბურნში რაფაელ ნადალიც იასპარეზებს, ხოლო როჯერ ფედერერი დიდ სლემს ტრავმის გამო გამოტოვებს.
