პსჟ მბაპეს შემცვლელად ჰოლანდს განიხილავს

კილიან მბაპე „რეალს“ უახლოვდება და ტრანსფერი დღითიდღე სულ უფრო რეალური ხდება. ამ ყველაფრის ფონზე პსჟ ახალი ფორვარდის შეძენაზე ფიქრობს.

The Telegraph-ის ცნობით, პარიზელებმა მბაპეს შემცვლელად ერლინგ ჰოლანდი შეარჩიეს და როგორც წყარო წერს, ფრანგები ყველაფერს გააკეთებენ, რომ ნორვეგიელი ამ ზაფხულსვე გაიფორმონ.

ბრიტანული გამოცემის თანახმად, პსჟ-ს წარმომადგენლები ჰოლანდის აგენტს მინო რაიოლას უკვე დაუკავშირდნენ.

თავის მხრივ, „დორტმუნდი“ პოზიციის დაცვას მტკიცედ ცდილობს და ამ ზაფხულს ჰოლანდის დაკარგვა არ უნდა. როგორც ცნობილია, 2022 წელს ნორვეგიელის გამოსასყიდი თანხა 75-დან 90 მილიონ ევრომდე მცირდება.

Telegraph-ი წერს, რომ „დორტმუნდის“ დირექტორი მიხაელ ცორკი მზადაა ჰოლანდის სანაცვლოდ შემოთავაზებები განიხილოს, თუმცა საუბარია „გიჟურ“ წინადადებაზე, რომელიც დაახლოებით ორას მილიონამდე მერყეობს.

როგორც მოგეხსენებათ, პსჟ-ს მბაპეს სანაცვლოდ „რეალისგან“ ამ მომენტისთვის 180 მილიონიანი შეთავაზება აქვს.

შემოუერთდით ჩვენს Facebook ჯგუფს საგოლე გადაცემა