ევროპის ტოპ 5 ჩემპიონატში პირველია | მიქაუტაძის მაგარი შედეგი
გიორგი მიქაუტაძე შესანიშნავ ფორმაში იმყოფება და ბოლო 5 შეხვედრაში 7 გოლი აქვს გატანილი. ცნობილმა სააგენტომ, Opta-მ ქართველ ფეხბურთელთან დაკავშირებით საინტერესო ინფორმაცია გაგვიზიარა და დაწერა სტატისტიკაზე, რომლის მიხედვითაც მიქაუტაძე ევროპის ტოპ 5 ჩემპიონატში საუკეთესოა.
Opta-ს მიხედვით, 2024 წელს, მიქაუტაძე არის ფეხბურთელი, რომელსაც პროცენტულობით, საკუთარი გუნდის ყველაზე მეტ გოლში აქვს მონაწილეობა მიღებული. წლეულს, მიქაუტაძეს „მეცის“ გოლების 72 პროცენტში (18-დან 13 გოლი) მიუღია მონაწილეობა და მასზე უკეთესი შედეგი არავის აქვს.
Opta-ს რეიტინგში მეორე ადგილზე დუვან საპატა იმყოფება (16-დან 10 გოლი, 63 პროცენტი), მესამე კი დუშან ვლაჰოვიჩია (20-დან 12 გოლი, 60 პროცენტი).
72% - Pourcentage d'implication dans les buts de son équipe dans le top 5 européen en 2024 :
— OptaJean (@OptaJean) May 4, 2024
1⃣Georges Mikautadze - Metz (72% - 13/18)
2⃣ Duván Zapata - Torino (63% - 10/16)
3⃣ Dusan Vlahovic - Juventus (60% - 12/20)
Crucial. pic.twitter.com/EccoyDuPTM
შეგახსენებთ, რომ საფრანგეთის ჩემპიონატის მიმდინარე სეზონის დასრულებამდე 2 თამაშია დარჩენილი. „მეცს“ მომდევნო შეხვედრა სტუმრად, „სტრასბურგთან“ ელის, ბოლო ტურში კი საკუთარ კედლებში „პარი სენ-ჟერმენს“ დაუპირისპირდება.
