18 და 20 წლის ბრაზილიელები იყიდეს | პარი სენ-ჟერმენის ტრანსფერები
„პარი სენ-ჟერმენი“ შემადგენლობის გასაძლიერებლად მუშაობს და ორ ბრაზილიელ ფეხბურთელს გაიფორმებს. ფაბრიციო რომანოს ინფორმაციით, პრაქტიკულად გადაწყვეტილია, რომ პარიზული გრანდის რიგებს ლუკას ბერალდუ და გაბრიელ მოსკარდო შეუერთდებიან.
ბერალდუ 20 წლის ცენტრალური მცველია, რომელიც „პარი სენ-ჟერმენმა“ „სან პაულუდან“ გაიფორმა. „პარკ დე პრანსის“ ბინადრებს მისი ტრანსფერი დაახლოებით 22 მილიონი ევრო დაუჯდათ და ახალგაზრდა ფეხბურთელი კლუბთან 5-წლიან ხელშეკრულებას გააფორმებს.
???????????? Gabriel Moscardo to PSG, here we go! Understand verbal agreement with Corinthians has been reached for €20m fixed fee.
— Fabrizio Romano (@FabrizioRomano) December 26, 2023
Package also includes €2m add-ons.
Moscardo will travel to Paris as soon as clubs sign the formal agreement.
???????? Beraldo & Moscardo to PSG, done. pic.twitter.com/ClYaPPXRh4
გაბრიელ მოსკარდოს რაც შეეხება, ის 18 წლის ნახევარმცველია, რომელიც „კორინთიანსის“ საკუთრება გახლდათ. ფაბრიციო რომანოს ცნობით, პსჟ-ს მისი შეძენა 20 მილიონი ევრო დაუჯდა, ბონუსებით კი შესაძლოა, თანხა 22 მილიონამდე გაიზარდოს.
ცნობისთვის, საფრანგეთის ლიგა 1-ის პირველი წრის დასრულების შემდეგ, „პარი სენ-ჟერმენს“ 40 ქულა აქვს და სატურნირო ცხრილის პირველ ადგილს იკავებს. პსჟ ჩემპიონთა ლიგის მერვედფინალშიც გავიდა და საუკეთესოს ვინაობას „სოსიედადთან“ გაარკვევს.