ცნობილი ექსპერტი: „კვარაცხელიას დამატებას 5 ევროპული გრანდი განიხილავს“
ცნობილი სატრანსფერო ექსპერტის, ეკრემ კონურის ინფორმაციით საქართველოსა ნაკრებისა და „ნაპოლის“ შემტევის, ხვიჩა კვარაცხელიას დამატებას 5 ევროპული გრანდი განიხილავს.
კონური წერს, რომ ხვიჩა კვარაცხელიას ამ დრომდე აქტიურად აკვირდებიან „არსენალი“, „ლივერპული“, „ჩელსი“, „მანჩესტერ იუნაიტედი“ და პსჟ.
???????? Chelsea, Liverpool, Arsenal, Manchester United and PSG continue to be linked with Napoli's 22-year-old Georgian player Khvicha Kvaratskhelia. ???????? ????#ForzaNapoliSempre https://t.co/ZUX186wRet pic.twitter.com/8ycU69oOwC
— Ekrem KONUR (@Ekremkonur) December 25, 2023
ამის გარდა, ცოტა ხნის წინ პსჟ-სთან დაახლოებულმა სააგენტო PlanetPSG-მა დაწერა, რომ პარიზული გუნდის ხელმძღვანელები ხვიჩას შეძენას ზამთრის სატრანსფერო ფანჯარაზეც განიხილავენ და აუცილებლობის შემთხვევაში მზად არიან „ნაპოლის“ 100 მილიონი ევროც გადაუხადონ.
შეგახსენებთ, რომ Transfermarkt-ზე ამ დროისთვის ქართველი ფეხბურთელი 80 მილიონ ევროდ არის შეფასებული. ხვიჩა კვარაცხელიამ მიმდინარე სეზონში „ნაპოლის“ მაისურით ყველა ტურნირზე 25 მატჩი ჩაატარა და თავი 5 გოლითა და 4 საგოლე გადაცემით გამოიჩინა.
