„პატივი ეცით კლუბს“ - ვინისიუსის ჯილდო და ვალენსიას პროტესტი
გიორგი მამარდაშვილის „ვალენსია“ სოციალურ ქსელში სპეციალურ განცხადებას ავრცელებს, რომელშიც ოქროს ბურთის დაჯილდოებაზე მომხდარ ფაქტს გმობს.
დაჯილდოების დროს, მადრიდის „რეალის“ ფეხბურთელს, ვინისიუს ჯუნიორს განსაკუთრებული საქველმოქმედო საქმიანობისთვის სოკრატესის პრიზი გადაეცა, სიტყვით გამოსვლის დროს კი ბრაზილიელმა შემტევმა ფეხბურთში რასიზმის პრობლემაზე ისაუბრა, ორგანიზატორებმა კი ფონად „ვალენსიასა“ და მადრიდის „რეალის“ მატჩის ფოტო გაუშვეს, სადაც ვინისიუსი რასისტული შეძახილების მსხვერპლი გახდა.
„ვალენსია“ სპეციალური განცხადებით ვალენსია იზოლირებული ქცევების მოტივით მათი იმიჯის გამოყენებას გმობს და პატივისცემას ითხოვს:
„ძალიან სამწუხაროა, რომ ოქროს ბურთის დაჯილდოებაზე ჩვენი იმიჯის ასე გამოყენება და მისი იზოლირებულ ქცევებთან ასოცირება. კლუბმა ამ მომენტში სასწრაფო და გადამწყვეტი ნაბიჯები გაატარა და ინციდენტის მონაწილეთა მიმართ უმკაცრესი სასჯელები გამოიყენა.
ჩვენ უკიდურესად ვგმობთ რასიზმს, მაგრამ ასევე ვითხოვთ უდიდეს პატივისცემას ჩვენი გულშემატკივრებისა და კლუბის მიმართ“, - ნათქვამია განცხადებაში.
El @valenciacf lamenta el uso en la gala del Balón de Oro de nuestra imagen y su asociación a unos comportamientos aislados que el Club persiguió de forma urgente y tajante, aplicando el castigo más severo a los implicados.
— Valencia CF (@valenciacf) October 30, 2023
Reiteramos nuestra condena más absoluta contra el…
შეგახსენებთ, რომ აღნიშნული ინციდენტი გასული სეზონის 35-ე ტურში მოხდა, რომელშიც „ვალენსიამ“ საკუთარ მოედანზე მადრიდის „რეალი“ 1:0 დაამარცხა.
