„კვარა უფრო მეტად უნდა გავანებივროთ“ - იტალიელი ჟურნალისტი

ცნობილმა იტალიელმა ჟურნალისტმა, ვინჩენცო დ’ანჯელომ „ნაპოლისთან“ დაახლოებულ რადიო Kiss Kiss Napoli-სთან ინტერვიუს დროს ხვიჩა კვარაცხელიასა და „პარტენოპეის“ ამჟამინდელ მდგომარეობაზე ისაუბრა.

რა თქვა დ’ანჯელომ:

კვარაცხელია ნამდვილი გენიოსია, მაქსიმალურად უნდა ვეცადოთ, რომ განებივრებულად იგრძნოს თავი, რათა მოედანზე მეტი განსხვავება შეიტანოს. თუ „ნაპოლის“ ვარსკვლავებს კრიზისული პერიოდი ექნებათ, საქმე უფრო გართულდება, ამიტომ კვარაცხელიას ღიმილი საწყისი წერტილი უნდა იყოს.

„ნაპოლი“ ბერლინში ჯგუფური ეტაპიდან კვალიფიკაციისთვის იბრძოლებს, რის გამოც გამარჯვება მნიშვნელოვანი იქნება. მან „ბრაგაში“ ბრწყინვალების გარეშე მოიგო, მაგრამ მნიშვნელოვანია, რომ თავისი მოვალეობა ნებისმიერი ფორმით შეასრულოს, რათა გვაჩვენონ, რომ გახდა ევროპული გუნდი, რომელსაც გარკვეული ზეწოლის გადალახვა შეუძლია. „ნაპოლის“ ამჟამინდელი მდგომარეობა ძალიან დელიკატურია და რაც უფრო მეტი მოთამაშე გეყოლება შესაბამის დონეზე ხელმისაწვდომი, საქმე მით უფრო გამარტივდება.

შეგახსენებთ, რომ 8 ტურის შემდეგ, „ნაპოლი“ სერია A-ს სატურნირო ცხრილში 14 ქულით მე-5 ადგილზე იმყოფება. რუდი გარსიას გუნდი მომდევნო შეხვედრას 21 ოქტომბერს, სტუმრად „ვერონასთან“ გამართავს, 24 ოქტომბერს კი ასევე სტუმრად, „უნიონ ბერლინს“ დაუპირისპირდება.