პსჟ-ს ხელმძღვანელები განრისხებული არიან | რატომ ჩაიშალა კოლო მუანის ტრანსფერი
ზაფხულის სატრანსფერო ფანჯრის ბოლო დღეებში, „პარი სენ-ჟერმენის“ მთავარი მიზანი „აინტრახტის“ ფეხბურთელის, რანდალ კოლო მუანის გაფორმება იყო. პარიზული გრანდი მიზანთან ძალიან ახლოს იყო, მაგრამ ტრანსფერი ჩაიშალა.
L’Equipe-ის ინფორმაციით, პსჟ 80 მილიონი ევროს გადახდასა და უკო ეკიტიკეს დათმობას აპირებდა, მაგრამ არაფერი გამოუვიდა. საქმე ისაა, რომ ეკიტიკემ „აინტრახტში“ გადასვლაზე უარი განაცხადა და ტრანსფერი დაბლოკა, რის გამოც, „პარი სენ-ჟერმენის“ ხელმძღვანელები განრისხებული არიან.
„აინტრახტი“ კოლო მუანის გაშვებაზე თანახმა მხოლოდ იმ შემთხვევაში იყო თუ მის შემცვლელს დაიმატებდა. გერმანელებს ეკიტიკეს მიღება სწორედ ამიტომ სურდათ, მაგრამ გამომდინარე იქიდან, რომ კოლო მუანის შემცვლელს ვერ პოულობენ, ტრანსფერს წითელი აუნთეს.
❗️???? News Kolo Muani: There’s an agreement between @Eintracht & @PSG_inside about a transfer fee of €90m all-in.
— Florian Plettenberg (@Plettigoal) September 1, 2023
➡️ But: Ekitiké still doesn’t want to join #SGE
➡️ Therefore Eintracht boss Krösche doesn’t give the ???? light for the transfer as they don’t get their desired No.… pic.twitter.com/W2DxjRtHDJ
ფრანგული გამოცემის მიხედვით, არის შანსი, „პარი სენ-ჟერმენმა“ ფრანკფურტელებს განახლებული წინადადებით მიმართოს, მაგრამ გერმანელთა დაყოლიება გაუჭირდება.
