ოფიციალურად | ნაპოლიმ ნახევარდაცვა გააძლიერა
ხვიჩა კვარაცხელიას „ნაპოლიმ“ ნახევარდაცვის ხაზი გააძლიერა. ნეაპოლურმა კლუბმა ოფიციალური განცხადება გაავრცელა და საკუთარ გულშემატკივრებს იენს კაიუსტეს გაფორმების შესახებ აუწყა.
???? Jens-Lys Michel Cajuste è un giocatore azzurro!
— Official SSC Napoli (@sscnapoli) August 10, 2023
???? #ForzaNapoliSemprehttps://t.co/Y5WMLxQ3Gy
კაიუსტე 23 წლის შვედი ნახევარმცველია, რომელიც „რეიმსის“ რიგებში თამაშობდა. „ნაპოლის“ ახალ თავკაცს, რუდი გარსიას ფიზიკურად ძლიერი ნახევარმცველის დამატება უნდოდა და კაიუსტე სწორედ ამ კატეგორიაში გადის.
უცხოური პრესის ინფორმაციით, „პარტენოპეის“ კაიუსტეს ტრანსფერი დაახლოებით 12 მილიონი ევრო დაუჯდა. იგი პიოტრ ზელინსკის შემცვლელად მოიაზრება, რომელიც დიდი ალბათობით, კარიერას საუდის არაბეთში, „ალ-აჰლის“ რიგებში გააგრძელებს.
ცნობისთვის, კაიუსტემ გასულ სეზონში, „რეიმსის“ მაისურით მონაწილეობა 31 შეხვედრაში მიიღო. მის ანგარიშზე 3 გოლია.
