„თუ გადმოხვალ, თითებს მოგაჭრით“ | ულტრასები ვლაჰოვიჩის ტრანსფერს ეწინააღმდეგებიან
ტურინის „იუვენტუსის“ თავდამსხმელის, დუშან ვლაჰოვიჩის საკუთარ რიგებში ხილვა ევროპული ფეხბურთის რამდენიმე გრანდს სურს. სერბი შემტევისთვის ბრძოლაში გამოკვეთილი ფავორიტები „პარი სენ-ჟერმენი“ და „ჩელსი“ არიან, მაგრამ ფრანგული კლუბის ულტრასი ქომაგები მის ტრანსფერს ეწინააღმდეგებიან.
პსჟ-ს გულშემატკივრებმა „პარკ დე პრენსის“ მიმდებარე ტერიტორიაზე, ბანერი გამოფინეს და ვლაჰოვიჩს დაემუქრნენ. „პარიზში თუ ჩამოხვალ, სამ თითს მოგაჭრით“, - წერია ბანერზე და როგორც უცხოურ პრესაში წერენ, ყველაფერი კოსოვოსა და ვლაჰოვიჩის აღნიშვნას უკავშირდება.
J'en ai trop marre d'eux vraiment pic.twitter.com/ML2UkcC5ub
— ????????????????α ???? (@Alphaapsg) July 16, 2023
სერბეთის ნაკრების ერთ-ერთი მატჩის შემდეგ, ვლაჰოვიჩი კამერების წინაშე გამოჩნდა მაისურით, რომელზეც კოსოვო სერბეთის ნაწილადაა გამოსახული. ამასთან, დუშანი სერბულ, 3-თითიან მისალმებას იყენებს და „პარი სენ-ჟერმენის“ ულტრასები მას სწორედ ამ სამი თითის მოჭრით დაემუქრნენ.
ცნობისთვის, იუგოსლავიის ომებისას, აღნიშნული მისალმება სერბეთის სიმბოლოდ გამოიყენებოდა და სერბი ჯარისკაცები 3 თითს გამარჯვების ნიშნად წევდნენ. ფრანგი ჟურნალისტების ვარაუდით, პსჟ-ს ულტრასი ქომაგები იმ ქვეყნებს წარმოადგენენ, რომელთა მოსახლეობაც, იუგოსლავიის ომებისას, სერბების მსხვერპლი გახდა.
