დიდი სლემის 35-ე ფინალი | ჯოკოვიჩმა სინერი სამ სეტში დაამარცხა
ნოვაკ ჯოკოვიჩი „უიმბლდონის“ ფინალში გავიდა. სერბმა ჩოგბურთელმა ნახევარფინალური დაპირისპირება იანიკ სინერის წინააღმდეგ გამართა, მეტოქე 3 სეტში დაამარცხა და დიდი სლემის ტურნირების 35-ე ფინალს ითამაშებს, რაც სარეკორდო მაჩვენებელია.
No one has played on the final Sunday of a Grand Slam more than Novak Djokovic! pic.twitter.com/uU3Li9KmsR
— US Open Tennis (@usopen) July 14, 2023
„ნოლე“ საკუთარ მოწოდებაზე შეუდარებელი იყო და სინერს არც ერთი ბრეიკპოინტის გამოყენების საშუალება არ მისცა. სერბმა ჩოგბურთელმა პირველი პარტია 6:3 მოიგო, მეორე სეტში კი 6:4 იმარჯვა. ბევრად დაძაბული გამოდგა მესამე პარტია. 5:4-ზე, სინერს ორმაგი სეტბოლი ჰქონდა, მაგრამ ჯოკოვიჩმა ბრეიკი არ გააკეთებინა და ტაიბრეიკი დაინიშნა, რომელიც ნოვაკმა 7:4 მოიგო.
The streak continues...@DjokerNole defeats Jannik Sinner 6-3, 6-4, 7-6(4) to reach his ninth #Wimbledon final pic.twitter.com/mAGLUmVhOr
— Wimbledon (@Wimbledon) July 14, 2023
ჯოკოვიჩი „უიმბლდონის“ ფინალში ზედიზედ მეხუთედ გავიდა. „ნოლეს“ გასული 4 ფინალი მოგებული აქვს და შეუძლია, „უიმბლდონზე“ მოპოვებული ტიტულებით როჯერ ფედერერს გაუთანაბრდეს. ამასთან, შვეიცარიელს „უიმბლდონი“ ზედიზედ 5-ჯერ აქვს მოგებული და ჯოკოვიჩს ამ მიღწევის გამეორებაც შეუძლია.
Novak Djokovic has become the first player in history to reach 35 Grand Slam singles finals ????#Wimbledon | @DjokerNole pic.twitter.com/8NYR6dTEdy
— Wimbledon (@Wimbledon) July 14, 2023
ცნობისთვის, სერბი ჩოგბურთელის მეტოქე რამდენიმე საათში გაირკვევა. მეორე ნახევარფინალურ წყვილში, ერთმანეთს დანილ მედვედევი და კარლოს ალკარასი ხვდებიან.