სამედიცინო შემოწმება დაინიშნა - კიმი ბაიერნთან ერთ ნაბიჯშია
ახალი არავისთვის არის, რომ მიუნხენის „ბაიერნს“ კიმ მინ-ჯეს გადაბირება სურს და ამისთვის ყველაფერს აკეთებს.
გასულ კვირას, გავლენიანმა სატრანსფერო ექსპერტმა და ცნობილმა სპორტულმა ჟურნალისტმა ფაბრიციო რომანომ გვამცნო, რომ მხარეები ყველაფერზე შეთანხმდნენ.
დღეს კი რომანო განახლებულ ინფორმაციას გვაწვდის. ვიგებთ, რომ სამხრეთ კორეელი მცველის სამედიცინო შემოწმება ოთხშაბათს ჩაინიშნა. ახლა მხოლოდ კიმის კონტრაქტში არსებული პუნქტის ამოქმედებაა საჭირო, რომლის მიხედვითაც „ბაიერნი“ გამოსასყიდ თანხას გადაიხდის. ეს ყველაფერი კი მიმდინარე კვირაში მოხდება.
EXCL: Kim Min-jae will undergo medical tests with Bayern this week, currently scheduled on Wednesday. ???????????????? #FCBayern
— Fabrizio Romano (@FabrizioRomano) July 3, 2023
Bayern will trigger the release clause from Napoli right after, could be this week too.
Here we go since last week, confirmed. pic.twitter.com/xY9GYXTJ5N
იტალიური მედიის ინფორმაციით, კიმს ნეაპოლურ კლუბში კონატე, კილმანი ან ლე ნორმანი ჩაანაცვლებს. ყველაფერი იმაზეა დამოკიდებული, თუ რამდენ მილიონს დახარჯავს აურელიო დე ლაურენტისი.
შეგახსენებთ, რომ სამხრეთ კორეელი ფეხბურთელი „ნაპოლის“ გასული ზაფხულის სატრანსფერო ფანჯრის დროს შეუერთდა. ამ პერიოდის განმავლობაში მან „პარტენოპეის“ მაისური ყველა ტურნირზე ერთად 45-ჯერ მოირგო, 2 გოლი გაიტანა და 2 საგოლე გადაცემა შეასრულა.
