ევროპული თამაშები - ლაშა გურული ფინალში დამარცხდა

პოლონეთში მიმდინარე ევროპული თამაშების კრივის ფინალში ლაშა გურული გავიდა, სადაც ოქროს მედლისთვის ბრძოლაში ფრანგ სოფიანე უმიას დაუპირისპირდა.

მოკრივეებმა შესანიშნავი ბრძოლა შემოგვთავაზეს, რომელიც სამწუხაროდ ფრანგის გამარჯვებით დასრულდა. ლაშა გურული ვერცხლის მედალს დაეუფლა.

შეგახსენებთ, რომ 63 კგ კატეგორიაში გურულმა უნგრელი რიჩარდ კოვაჩი დაამარცხა. იქამდე კი ლაშამ სამ მეტოქეს ესპანელ ადრიან ტიამ კრეუსს, სლოვაკ ვილიამ ტანსკოსა და ბულგარელ სიმეონ რადოსლავ როსენოვს აჯობა. ასევე ლაშამ პარიზში გასამართი ოლიმპიური თამაშების ლიცენზია მოიპოვა.