შენგელიას გუნდის ფიასკო მე-7 შეხვედრაში | ვირტუს ბოლონიამ ფინალი წააგო
თორნიკე შენგელიას „ვირტუს ბოლონია“ იტალიის საკალათბურთო ჩემპიონატის ფინალურ სერიაში დამარცხდა. ქართველი კალათბურთელის გუნდმა „ოლიმპია მილანოს“ ბარიერი ვერ გადალახა, მეშვიდე შეხვედრა საშინლად ჩაატარა და 3:4 წააგო.
მე-7 შეხვედრა „ოლიმპია მილანოს“ საშინაო არენაზე გაიმართა და მასპინძლების დომინაციით დაიწყო. „ვირტუს ბოლონიამ“ პირველი მეოთხედი 9:21 წააგო, თუმცა მეორე ათწუთეულში მეტოქეზე 3 ქულით მეტი ჩააგდო - 20:17. შენგელიამ და კომპანიამ საშინლად ჩაატარეს მესამე მეოთხედი, რომელშიც მხოლოდ 5 ქულა დააგროვეს და „ოლიმპია მილანოს“ ჩემპიონობის გაფორმება არ გასჭირვებია - 67:55.
SCONFITTA ❌
— Virtus Segafredo Bologna (@VirtusSegafredo) June 23, 2023
La Segafredo cede il passo a Milano in Gara7
???? Shengelia 13, Teodosic 10#AmoreInfinito #LBA #TuttoUnAltroSport pic.twitter.com/1Ivq0XHIjs
შენგელია ერთადერთი იყო, ვისაც „ვირტუს ბოლონიას“ ფიასკოს ვერ დავაბრალებთ. ქართველმა კალათბურთელმა პარკეტზე 32 წუთი გაატარა და 13 ქულა, 4 მოხსნა, 3 შედეგიანი გადაცემა და 2 ჩაჭრა მიითვალა. თოკოზე მეტი „ვირტუს ბოლონიას“ მაისურით არავის ჩაუგდია და ქართველის ერთადერთი პასივი 6 დაკარგვა იყო.
„ოლიმპია მილანოსთან“ მარცხით „ვირტუს ბოლონიას“ სეზონი ოფიციალურად დასრულდა. შენგელია უახლოეს მომავალში საქართველოს ნაკრებს შეუერთდება და მსოფლიო ჩემპიონატისთვის მომზადებას დაიწყებს.
