“არ მგონია, რომ ტრავმა სერიოზულია“ - ბალარდინი ლოჩოშვილზე

იტალიის სერია ა-ს მორიგ ტურში „კრემონეზემ“ „ემპოლის“ უმასპინძლა და მინიმალური ანგარიშით 1:0 დაამარცხა. მასპინძლებმა ზედიზედ მეორე გამარჯვება იზეიმეს.

ძირითად შემადგენლობაში მოგვევლინა ლუკა ლოჩოშვილმა, რომელსაც კარგი მატჩი ჰქონდა, თუმცა 49-ე წუთზე ტრავმა მიიღო და მწვრთნელს მისი შეცვლა მოუწია.

მატჩის დასრულების შემდეგ, „კრემონეზეს“ დამრიგებელმა დავიდე ბალარდინიმ ქართველ ფეხბურთელზე ისაუბრა.

ბალარდინი:

„დაცვის ხაზში ჩემი ფეხბურთელების თამაშით კმაყოფილი ვარ. ყველამ კარგად და ყურადღებით ითამაშა. რაც შეეხება ლოჩოშვილის მდგომარეობას, მასთან ჯერ არ მისაუბრია, მაგრამ არ მგონია, რომ მისი ტრავმა სერიოზულია.“

„ემპოლისთან“ აღებული 3 ქულის შემდეგ, „კრემონეზეს“ 19 ქულა აქვს და სატურნირო ცხრილის მე-19 პოზიციას იკავებს. „კრემო“ მე-17 ადგილზე მყოფ „სპეციას“ 7 ქულით ჩამორჩება და უმაღლეს დივიზიონში ადგილის შენარჩუნება ძალიან გაუჭირდება, თუმცა ეს გამარჯვება ნიშანი იყო იმისა, რომ ლოჩოშვილი და კომპანია დანებებას არ აპირებენ. „კრემონეზე“ მომდევნო შეხვედრას 23 აპრილს, „უდინეზეს“ წინააღმდეგ გამართავს.