მუხლის ტრავმა - ჩუპო-მოტინგი მანჩესტერ სიტისთან არ იქნება
რობერტ ლევანდოვსკის წასვლის შემდეგ, მიუნხენის „ბაიერნს“ ცენტრალური თავდამსხმელის პოზიციაზე პრობლემები აქვს.
მიმდინარე სეზონში, აღნიშნულ პოზიციაზე ჩუპო-მოტინგი გვევლინება. გერმანული კლუბის ოფიციალური ვებ-გვერდი სამწუხარო ინფორმაციას ავრცელებს.
ცნობილი ხდება, რომ 34 წლის თავდამსხმელი მანჩესტერში გუნდთან ერთად ვერ გაფრინდება და ჩემპიონთა ლიგის მეოთხედფინალურ მატჩში მონაწილეობას ვერ მიიღებს. ამის მიზეზი მუხლის სახსრების პრობლემებია.
ℹ️ Eric Maxim Choupo-Moting wird die Reise nach Manchester nicht mit antreten können. Der Angreifer fehlt aufgrund von Kniegelenksproblemen. #UCL #FCBayern #FCBMCI
— FC Bayern München (@FCBayern) April 10, 2023
ცნობისთვის, „სიტისა“ და „ბაიერნის“ მომავალი დაპირისპირება 11 აპრილით თარიღდება და თბილისის დროით 23:00-დან დაიწყება.
რაც შეეხება ჩუპო-მოტინგს, გერმანელმა მიმდინარე სეზონში, ყველა ტურნირზე ერთად 28-ჯერ მოირგო, 17 გოლი გაიტანა და 4 საგოლე გადაცემა შეასრულა.