ბაიერნის ფეხბურთელები და სხვები - გერმანიის ნაკრები ორ ჯგუფად იყო გაყოფილი
ავტორიტეტული Bild-ი გერმანიის ნაკრებში შექმნილ ვითარებაზე წერს. გერმანული გამოცემა მსოფლიო ჩემპიონატის მიმდინარეობისას განვითარებულ მოვლენებზე გვესაუბრება და გვაუწყებს, რომ „ბუნდესმანშაფტის“ გასახდელში დაძაბული ატმოსფერო იყო.
Bild-ის მიხედვით, გერმანიის ეროვნული ნაკრები ორ ჯგუფად გახლდათ გაყოფილი. ერთ მხარეს „ბაიერნში“ მოთამაშე ფეხბურთელები იყვნენ, მეორე მხარეს - დანარჩენები. ამან ვითარების დაძაბვა გამოიწვია, რამაც ფეხბურთელთა მიერ ნაჩვენებ თამაშზე გავლენა მოახდინა.
????️SportBild skriver i dagens utgåva om sprickan i landslaget; mellan Bayern München-blocket & de andra. Flick har varit partisk gentemot Bayern, något som har upprört flera spelare såsom Havertz, Ter Stegen och Gündogan.
— Keven Bader (@Keven_Bader) December 7, 2022
(Källa: Bild) pic.twitter.com/Jg69lNnmFF
გერმანული გამოცემა პრობლემების გაჩენაში ჰანსი ფლიკს ადანაშაულებს. Bild-ის მიხედვით, ფლიკი ობიექტური არ იყო და „რეკორდმაისტერის“ მოთამაშეების მისამართით მიკერძოებას იჩენდა, რადგან მათთან განსაკუთრებული ურთიერთობა ჰქონდა. ამის გამო, კონფლიქტური სიტუაციები წარმოიშვა და გუნდის შიგნით ჰარმონია დაირღვა.
შეგახსენებთ, რომ გერმანიის ნაკრები ჯგუფში ესპანეთთან, კოსტა რიკასთან და იაპონიასთან ერთად იყო. „ბუნდესმანშაფტმა“ „ფურია როხასთან“ ქულა აიღო, „ლურჯ სამურაისთან“ წააგო, კოსტა რიკასთან გამარჯვება კი მომდევნო ეტაპზე გასასვლელად საკმარისი არ აღმოჩნდა.
