IL Mattino: „სამართალდამცველებმა ხვიჩას ავტომობილი იპოვეს“
„ნაპოლის“ ქართველი ფეხბურთელი, ხვიჩა კვარაცხელია მძარცველების მსხვერპლი გახდა. დაახლოებით 24 საათის წინ, ნეაპოლის მახლობლად მდებარე კუმას დასახლებაში მძარცველებმა „კვარას“ ავტომობილი, Mini Countryman-ი მოიპარეს.
ავტორიტეტული იტალიური გაზეთის, IL Mattino-ს ინფორმაციით, სამართალდამცველებმა მოპარული ავტომობილი უკვე იპოვეს. პოლიციამ მანქანა ნეაპოლთან 20 კილომეტრის მოშორებით მდებარე დასახლებაში, ტრენტოლა დუჩენტაში აღმოაჩინა. IL Mattino-ს ცნობით, ავტომობილს დაზიანებები არ აღენიშნება.
È stata ritrovata poco fa l’auto di #Kvaratskheila. La Mini Countryman appartenente al calciatore georgiano è stata identificata in un vialetto di Trentola Ducenta, vicino Aversa. A ritrovarla gli agenti di Polizia. La vettura sembra in buone condizioni.
— Simone Guadagno (@SimoneGuadagnoo) November 3, 2022
Via @TeleClubItalia pic.twitter.com/xCVCNEaOQr
შეგახსენებთ, რომ რამდენიმე საათის წინ, იტალიელმა სატრანსფერო ექსპერტმა, ნიკოლო სკირამ „კვარაზე“ დაწერა და განაცხადა, რომ მას ევროპული ფეხბურთის გრანდები აკვირდებიან. მისი თქმით, „რეალმა“, „ლივერპულმა“, „ტოტენჰემმა“, „ჩელსიმ“ და „სიტიმ“ ხვიჩას დასაკვირვებლად იტალიაში სკაუტები გაგზავნეს, თუმცა „ნაპოლი“ მის გასხვისებას არ აპირებს და მას საკვანძო ფეხბურთელის სტატუსი აქვს.
ცნობისთვის, კვარაცხელიას „ნაპოლის“ 32 ქულა აქვს და სერია A-ს სატურნირო ცხრილის ლიდერია. „პარტენოპეის“ მომდევნო შეხვედრა 5 ნოემბერს, „ატალანტასთან“ ელის.
