შერმადინის 13 ქულა - ტენერიფე პელისტერისთან დამარცხდა
კალათბურთში, ჩემპიონთა ლიგის ჯგუფური ეტაპის მეორე ტურში „პელისტერიმ“ შინ „ტენერიფე“ 88:81 დაამარცხა.
სტუმართა სასტარტო ხუთეულში გიორგი შერმადინი არ იმყოფებოდა, საქართველოს ეროვნული ნაკრების ერთ-ერთმა ლიდერმა პარკეტზე 26 წუთი და 13 წამი გაატარა, მის აქტივში 13 ქულა, 3 მოხსნა და 2 პასია.
H ჯგუფის პირველ ტურში „ტენერიფემ“ შინ „რიტასი“ 89:74 დაამარცხა. ამ შეხვედრაში შერმადინი ერთ-ერთი საუკეთესო იყო, 18 ქულა ჩააგდო და 6 მოხსნა შეასრულა.
მესამე ტურში „ტენერიფე“ ებრაულ „ბნეი ჰერცლიას“ სტუმრად დაუპირისპირდება. საკალათბურთო დაპირისპირება 2 ნოემბერს გაიმართება.
შეგახსენებთ, „ტენერიფე“ ჩემპიონთა ლიგის მოქმედი გამარჯვებულია. გასული სეზონის ფინალში ქართველი კალათბურთელის გუნდმა „ჰაპოელ პოლონი“ დაამარცხა და ევროპული ტიტული მოიპოვა.
