ოფიციალურად - ლევანდოვსკი ბარსელონას ფეხბურთელია
სულ ცოტა ხნის წინ, ცნობილი გახდა, რომ რობერტ ლევანდოვსკიმ „ბაიერნი“ დატოვა. ახლა კი კატალონიური გრანდის ოფიციალური ვებ-გვერდი იტყობინება, რომ პოლონელი თავდამსხმელი მომავალი სეზონიდან მათ რიგებში ითამაშებს. რამდენიმე თვიანი საგა დასრულებულია.
Principio de acuerdo con @FCBayern para el traspaso de Robert Lewandowskihttps://t.co/KEUDZlnfX6https://t.co/8F3aEgPWrP
— FC Barcelona (@FCBarcelona_es) July 16, 2022
ოფიციალურ განცხადებაში კონტრაქტის დეტალები ჯერჯერობით არ წერია, თუმცა სპორტულ მედიაში გავრცელებული ინფორმაციის თანახმად კატალონიელებს მისი ტრანსფერი 45 მილიონი ევრო დაუჯდებათ. ბონუსების სახით კი დამატებით 5 მილიონის გადახდა მოუწევთ. ლევანდოვსკი კონტრაქტს 2025 წლამდე გააფორმებს. 3+1 სისტემით.
ვრცელდება ინფორმაცია, რომ რობერტი ბარსელონაში კვირას ჩაფრინდება. პრეზენტაციის შემდეგ კი ის აშშ გუნდს შეუერთდება, სადაც შესაძლოა მისი დებიუტი „ელ კლასიკოში“ მადრიდის „რეალის“ წინააღმდეგ შედგეს.
„ბაიერნში“ 8 სეზონში ლევანდოვსკიმ 375 მატჩში 344 გოლი გაიტანა და 72 საგოლე გადაცემა შეასრულა.
