რომანომ დაადასტურა - რაფინია ბარსელონაში ითამაშებს
რაფინიას საპნის ოპერა დასასრულს უახლოვდება. ბოლო პერიოდში, „ლიდსის“ შემტევს „ჩელსის“ და „ბარსელონას“ უკავშირებდნენ, თუმცა, როგორც ჩანს კატალონიურმა გრანდმა ტრანსფერის განსახორციელებლად შესაბამისი თანხები მოიძია და ყველაფერი გადაწყდა.
გავლენიანი სატრანსფერო ექსპერტი და ცნობილი სპორტული ჟურნალისტი ფაბრიციო რომანო, „ტვიტერის“ საკუთარ გვერდზე წერს, რომ „ბარსელონასა“ და „ლიდსი იუნაიტედს“ შორის შეთანხმება საბოლოო სტადიაზეა.
„ბლაუგრანა“ ახალგაზრდა ბრაზილიელის სანაცვლოდ 58 მილიონ ევროს გადაიხდის, რასაც ინგლისური კლუბი დათანხმდა. ბონუსების ჩათვლით კი ტრანსფერი 68 მილიონ ევრომდე გაიზრდება.
Barcelona have finally submitted the official bid for Raphinha, Leeds are set to accept! €58m fixed fee, up to €68m with add-ons. Deal at final stages. ???????????? #FCB
— Fabrizio Romano (@FabrizioRomano) July 12, 2022
All parties waiting for Barça to be able and ready to register Raphinha, then it will be signed… here we go soon. pic.twitter.com/byh4hbop1T
ახლა მხოლოდ მოსაგვარებელი რეგისტრაციის პრობლემაა. მოგეხსენებათ, ლა ლიგის კანონების მიხედვით, ნებისმიერ გუნდს, რომელსაც სახელფასო ლიმიტი შევსებული აქვს, ახალ ფეხბურთელს ვერ დაარეგისტრირებს. რაფინია ახლა ამის მოგვარებას ელოდება და კონტრაქტს გააფორმებს.
რაფინია „ლიდსში“
25 წლის შემტევი ინგლისურ კლუბს 2020 წელს შეუერთდა. ორი სეზონის განმავლობაში რაფინიამ „ლიდსი იუნაიტედის“ მაისური ყველა ტურნირზე ერთად 66-ჯერ მოირგო, 17 გოლი გაიტანა და 11 საგოლე გადაცემა შეასრულა.
