მოლაპარაკება დაწყებულია - მილანი გიოტცეს შეძენას ცდილობს
ერთ დროს კაშკაშა ვარსკვლავი მარიო გიოტცე ბურთს ახლა პსვ-ში აგორებს. სამწუხაროდ, მისი კარიერა ისე არ წარიმართა, როგორც ამას გულშემატკივრები და საფეხბურთო ექსპერტები ვარაუდობდნენ.
SPORT1-ის ჟურნალისტი პატრიკ ბერგერი გერმანელ შემტევთან დაკავშირებით ახალ ინფორმაციას ავრცელებს.
ვიგებთ, რომ მარიოს გადაბირებით „ბენფიკა“ და „მილანი“ ინტერესდებიან, თუმცა, თუ პატრიკს დავუჯერებთ „როსონერი“ გაცილებით დიდ ინტერესს იჩენს. გიოტცეს გამოსასყიდი 4-5 მილიონი ევროა.
The future of Mario Götze - contract @PSV until 2024 - is open. Benfica Lissabon with new coach Roger Schmidt try to sign him. But AC Milan are in the race too. There are talks between Götzes agents and the Serie A champion ????????. @MarioGoetze has a €4-5m release clause. @SPORT1
— Patrick Berger (@berger_pj) May 31, 2022
სტეფანო პიოლის გუნდი მომავალ სეზონში ჩემპიონთა ლიგაზე ითამაშებს და ისეთი გამოცდილი კადრის დამატება, როგორიც გიოტცეა, ნამდვილად სასურველია. ბერგერის ინფორმაციით, გერმანელი ფეხბურთელის აგენტსა და „მილანს“ შორის მოლაპარაკება მიმდინარეობს.
გიოტცე პსვ-ში
29 წლის შემტევი ნიდერლანდურ კლუბს 2020 წელს შეუერთდა. 2020 წლიდან დღემდე, გიოტცემ „ეინდჰოვენის“ მაისური ყველა ტურნირზე ერთად 77-ჯერ მოირგო, 18 გოლი გაიტანა და ამავე რაოდენობის საგოლე გადაცემა შეასრულა.
