7 კაცით ითამაშეს და 2 მეკარე იყო - უცნაური მატჩი კოლუმბიაში, რომელიც 79-ე წუთზე დასრულდა
კოლუმბიაში ისტორიული მატჩი გაიმართა, რომელმაც დიდი რეზონანსი გამოიწვია. კოლუმბიის უმაღლესი დივიზიონის მე-18 ტურში, „რიონეგრო აგილასი“ „ბოიაკა ჩიკოს“ დაუპირისპირდა და იძულებული გახდა, მხოლოდ 7 ფეხბურთელით ეთამაშა.
საქმე ისაა, რომ „აგილასის“ 16 მოთამაშეს ახლახან კორონავირუსი დაუდგინდა, 7-ს კი ტრავმა აწუხებს და სერიოზული საკადრო პრობლემები სწორედ ამან განაპირობა. კლუბის წარმომადგენლების თქმით, მათ მატჩის გადადება მოითხოვეს, მაგრამ უარი მიიღეს. კორონავირუსის პანდემიიდან გამომდინარე, შარშან კოლუმბიის ჩემპიონატში დაამტკიცეს დებულება, რომელიც ასეთი შემთხვევებისას სამოქმედო გეგმას წარმოადგენს. დებულების მიხედვით, თუ რომელიმე კლუბში Covid-19 გავრცელდა, მაგრამ მას ფიფას წესებით აუცილებელი ფეხბურთელების მინიმალური რაოდენობის, კერძოდ 7 მოთამაშის, მოედანზე გაყვანა მაინც შეუძლია, მატჩი არ გადაიდება.
შეხვედრის დაწყებამდე რამდენიმე საათით ადრე, „აგილასმა“ „ტვიტერის“ საკუთარ გვერდზე ასეთი შინაარსის პოსტი გამოაქვეყნა: „18... ბოდიში, 7 ფეხბურთელი, რომლებიც ისტორიაში ყველაზე უთანასწორო მატჩისთვის გამოიძახეს“.
#EquipoProfesional | Los 1️⃣8️⃣... Perdón, los 7️⃣ convocados para el partido más desigual de la historia...#MyGameIsFairPlay #VamosÁguilas ???? pic.twitter.com/oib1A9KUH9
— Águilas Doradas (@AguilasDoradas) April 11, 2021
დაპირისპირებამდე რამდენიმე წუთით ადრე კი, „აგილასის“ მოთამაშეებმა პროტესტი მოედანზე გამოხატეს და ბანერები ეკავათ წარწერებით: „ფეარპლეი“ და „სიცოცხლე პირველ რიგში“.
???????? Esta es la historia de @AguilasDoradas. Por un brote de coronavirus, pidió aplazar su partido. Se lo denegaron. Jugó con 7. Resistió 0-0 al descanso. Perdiendo 0-3, se quedó sin más efectivos (lesión) y @BCHICOFCOFICIAL ganó antes de tiempo https://t.co/eYLvmbRDMZ pic.twitter.com/PsfdmnrmSo
— MARCA (@marca) April 11, 2021
აღსანიშნავია, რომ „აგილასის“ ძირითადში გამწესებული 7 ფეხბურთელიდან 2 მეკარე გახლდათ. ერთი მათგანი კარში იდგა, ხოლო მეორე დაცვაში თამაშობდა. 7-კაციანი შემადგენლობის მიუხედავად, მასპინძლებმა საწყისი 56 წუთის განმავლობაში კარი მშრალად შეინახეს. „ჩიკომ“ ანგარიში 57-ე წუთზე გახსნა და საბოლოოდ, 3-0 იმარჯვა. მატჩი კი 90-ის ნაცვლად, 79 წუთს გაგრძელდა. 79-ე წუთზე „აგილასის“ ფეხბურთელმა, ჯოვანი მარტინესმა ტრავმა მიიღო და თამაშის გაგრძელება ვეღარ შეძლო, რის შემდეგაც მსაჯმა შეხვედრა შეწყვიტა, რადგან 6 ფეხბურთელი ფიფას წესების მიხედვით აუცილებელ მინიმალურ რაოდენობაზე ნაკლებია.
"Hay que valorar la forma en la que Águilas salió al partido a enfrentar a Boyacá Chicó" @JJMiranda15 #LoMejorDeLaFecha⚽???? pic.twitter.com/Tz929XC58c
— Win Sports Tv ???????? (@WinSportsTV) April 12, 2021
„ჩიკოსთან“ მარცხის შემდეგ, „აგილასმა“ „ტვიტერის“ საკუთარ გვერდზე კიდევ ერთი პოსტი გამოაქვეყნა: „ეს მატჩი წავაგეთ, მაგრამ კორონავირუსთან ბრძოლაში გავიმარჯვებთ. თქვენით ვამაყობთ ბიჭებო“.
#EquipoProfesional | Perdimos el partido, pero vamos a ganarle la batalla al Covid-19. Estamos muy orgullosos de ustedes, muchachos ????.#JuegoLimpio #MyGameIsFairPlay #VamosÁguilas ???? pic.twitter.com/h7jKnMft8A
— Águilas Doradas (@AguilasDoradas) April 11, 2021
ცნობისთვის, „აგილასის“ განცხადების მიხედვით, კლუბმა შეხვედრაში მონაწილეობა მხოლოდ იმიტომ გადაწყვიტა, რომ მძიმე სანქციები თავიდან აერიდებინა.