დოჰიოდან მაყურებლებში მოისროლა - ტოჩინოშინის მე-4 გამარჯვება!
„კიუშუ ბაშოს“ მე-7 დღეს, ლევან გორგაძის მეტოქე დასავლეთის მე-7 მაეგაშირა ენდო იყო. მათი 13 შეხვედრიდან ქართველმა სეკიტორმა 7 მოიგო და ექვს ორთაბრძოლაში დამარცხდა.
ლევანმა დღეს ურთიერთშეხვედრებში უპირატესობა გაიმყარა და მეტოქე იორიკირის ილეთით დაამარცხა.
„ტოჩიმ“ ბრძოლა აქტიური ცუპარებით დაიწყო, დოჰიოზე მყარად იდგა და გამარჯვებაც ლოგიკურად, დამსახურებულად მოიპოვა.
ტურნირის მე-8 დღეს გორგაძის მეტოქე მე-10 მაეგაშირა მეისეი იქნება, რომელსაც მიმდინარე ბაშოზე მოგება-წაგებათა ბალანსი ლევანის მსგავსად 4-3-ზე აქვს.
ტოჩინოშინი მას ჯამში 3-ჯერ შეხვდა და სამივე ორთაბრძოლა მარცხით დაასრულა.
