ქართველი ფეხბურთელი კარიერას ბერლინის ვიქტორიაში გააგრძელებს
საქართველოს 17-წლამდელთა ნაკრების ყოფილი ფეხბურთელი, შალვა ოგბაიძე კარიერას გერმანიის რანგით მეოთხე დივიზიონში მოასპარეზე ბერლინის „ვიქტორიაში“ გააგრძელებს.
ოგბაიძემ საქართველოს 17-წლამდელთა ნაკრებში 3 შეხვედრა გამართა და ესტონელი, რუსი და დანიელი თანატოლების წინააღმდეგ იასპარეზა.
ბერლინის „ვიქტორიაში“ გადასვლამდე, ოგბაიძე „მაგდებურგის“ 19-წლამდელთა გუნდში თამაშობდა და მიმდინარე სეზონში 9 შეხვედრა ჩაატარა. ძირითად შემადგენლობაში იგი 2-ჯერ გამოჩნდა და გერმანული გუნდის მაისურით 1 გოლის გატანაც მოასწრო.