მაგარი მომენტი შექმნა - შენგელიას კარგი თამაში საბერძნეთში
საბერძნეთის სუპერ ლიგის მე-8 ტურში „პანეტოლიკოსმა’’ შინ „ვოლოსი’’ 2:0 დაამარცხა. ლევან შენგელია სათადარიგოთა სკამზე იჯდა, თამაშში 70-ე წუთზე ჩაერთო. გოლი არ გაუტანია, თუმცა ერთხელ სახიფათოდ დაარტყა, ორჯერ კი კარგი გადაცემა შეასრულა.
განსაკუთრებით აღსანიშნავი 89-ე წუთის ეპიზოდია, როცა ქართველმა გარემარბმა სწრაფი კონტრშეტევა განავითარა, თუმცა თანაგუნდელმა რეალური მომენტი ვერ გამოიყენა. ანალოგიური რამ ოფი-სთან და „ლამიასთან'' შეხვედრებშიც მოხდა, როცა შენგელიამ თანაგუნდელებს მაგარი მომენტი შეუქმნა, თუმცა ვერ შეაგდეს.
შენგელიას თამაში „ვოლოსთან''
27 წლის ნახევარმცველმა მიმდინარე სეზონში სუპერ ლიგის 8 მატჩში მიიღო მონაწილეობა, სასტარტოში მხოლოდ სამჯერ მოხვდა, საერთო ჯამში 359 წუთი ითამაშა. ამ სეზონში ერთადერთი ყვითელი ბარათი „პანათინაიკოსთან'' მიიღო, როცა მისი გუნდი საკუთარ კედლებში 0:5 დამარცხდა.
შეგახსენებთ, ვილი სანიოლმა ოქტომბრის სანაკრებო მატჩებისთვის შენგელია ეროვნულ ნაკრებში დააბრუნა, ტაილანდთან და კვიპროსთან „ვინგბექად'' ათამაშა, ლევანს კარგი დარტყმა აქვს და კვიპროსს შესანიშნავი გოლი გაუტანა.