ახალი წინადადება ინტერს | მანჩესტერი ონანას გაფორმებასთან ახლოსაა
„მანჩესტერ იუნაიტედი“ დავიდ დე ხეას მემკვიდრეს აქტიურად ეძებს და „წითელი ეშმაკების“ მთავარი სამიზნე ანდრე ონანა გახლავთ. ბრიტანელები „ინტერთან“ მოლაპარაკებებს აწარმოებენ და როგორც ფაბრიციო რომანო წერს, „ნერაძურის“ ახალი წინადადებით მიმართეს.
ცნობილი სატრანსფერო ექსპერტის მიხედვით, „მანჩესტერ იუნაიტედმა“ იტალიელებს ოფიციალური შეთავაზება გაუგზავნა. „ოლდ ტრაფორდის“ ბინადრები მზად არიან, ონანას სანაცვლოდ 50 მილიონი ევრო გადაიხადონ, რასაც 5 მილიონს ოდენობის ბონუსები დაემატება.
Excl: Manchester United have improved their bid for André Onana. It’s now worth €50m add-ons included, around €45m plus €5m add-ons. ???????????????? #MUFC
— Fabrizio Romano (@FabrizioRomano) July 6, 2023
Inter always asked for €60m package — but sources believe €55m could be the right number to make it happen.
Talks continue. ???? pic.twitter.com/NVdyXvp0WR
რომანოს ინფორმაციით, „ინტერს“ ონანას სანაცვლოდ 60 მილიონი ევროს მიღება სურდა, მაგრამ 55-ზეც თანახმა არიან. კლუბებს შორის მოლაპარაკებები გრძელდება და დიდი ალბათობით, ტრანსფერი უახლოეს დღეებში დაიხურება.
შეგახსენებთ, რომ იტალიური Sportmediaset-ის მიხედვით, ონანას გაფორმება ერიკ ტენ ჰაგის მოთხოვნაა. ნიდერლანდელ სპეციალისტს 27 წლის მეკარესთან „აიაქსში“ უმუშავია, მისი შესაძლებლობების შესახებ ყველაფერი კარგად მოეხსენება და დარწმუნებულია, რომ კამერუნელს შეუძლია, „მანჩესტერის“ საკვანძო ფეხბურთელი გახდეს. „ინტერი“ ონანას სავარაუდო შემცვლელად გიორგი მამარდაშვილს განიხილავდა, მაგრამ ქართველი მეკარე ეძვირა და სხვა ვარიანტებზე გადაერთო.
