ოფიციალური შეთავაზება - ინტერ მაიამის ინიესტა სურს
როგორც მოგეხსენებათ, სულ ცოტა ხნის წინ, ანდრეს ინიესტამ „ვისელ კობი“ დატოვა, მაგრამ საფეხბურთო კარიერა არ დაუსრულებია.
იაპონური კლუბის გამოსამშვიდობებელ ცერემონიაზე ანდრესმა განაცხადა, რომ კარიერის დასრულებას არ აპირებს და რამდენიმე შეთავაზება აქვს.
Rac1-ის ინფორმაციით, ლეგენდარულ ესპანელს „ინტერ მაიამი“ ეპატიჟება. დევიდ ბექჰემს სურს, რომ ინიესტამ მესისთან და ბუსკეტსთან ერთად ითამაშოს. ჯერჯერობით შეთავაზების პირობები უცნობია.
????????????| BREAKING: Inter Miami have submitted an official offer to Andres Iniesta! They want him to team up with Leo Messi, Busquets & Alba. @rac1 [????️] pic.twitter.com/mPD1pkjSz7
— Managing Barça (@ManagingBarca) July 4, 2023
შეგახსენებთ, რომ დევიდ ბექჰემს „ინტერ მაიამიში“ ხორდი ალბას და ლუის სუარესის ხილვაც სურს, მაგრამ ეს ყველაფერი ჯერჯერობით მხოლოდ იდეის დონეზეა.
რაც შეეხება ინიესტას, ვეტერანმა ნახევარმცველმა იაპნურ კლუბში 5 სეზონი დაყო. ამ პერიოდის განმავლობაში მან 134 მატჩში მიიღო მონაწილეობა, 26 გოლი გაიტანა და 25 საგოლე გადაცემა შეასრულა.
