გამოავლინე სეზონის გუნდი - ხვიჩა კვარაცხელია ნომინანტთა სიაშია
ხვიჩა კვარაცხელია სერია A-ს სეზონის გუნდში მოსახვედრად იბრძოლებს. ცოტა ხნის წინ, ჩემპიონატის Twitter-გვერდზე ნომინანტთა სია გამოქვეყნდა, რომელშიც „ნაპოლის“ ქართველი შემტევი, ხვიჩა კვარაცხელიაც არის შეყვანილი.
სეზონის საუკეთესო ფეხბურთელების ვინაობა გულშემატკივრებმა უნდა გამოავლინონ. ხმის მიცემა ვებ-გვერდ EA.com-ზე უკვე დაწყებულია. იმისთვის, რომ მიცემული ხმა დაფიქსირდეს, გულშემატკივარმა თავისი მოსაზრება ყველა პოზიციაზე უნდა დააფიქსიროს.
Vi presentiamo i 45 calciatori in nomination per l’@EASPORTSFIFA Team of the Season della #SerieATIM ???? ????
— Lega Serie A (@SerieA) May 15, 2023
Per la prima volta nella storia, sarete voi a votare per il #TOTS!#FUT @EA_FIFA_Italia
გამოკითხვის შედეგად გამოვლინდება სერია A-ს 2022/23 წლების სეზონის საუკეთესო მეკარე, 4 საუკეთესო მცველი, 3 საუკეთესო ნახევარმცველი და 3 საუკეთესო თავდამსხმელი. შედეგების გამოქვეყნების შემდეგ, ცნობილ საფეხბურთო სიმულატორ FIFA 23-ში, Ultimate Team-ის რეჟიმში სეზონის საუკეთესო ფეხბურთელები დაემატებიან.
ცნობისთვის, „ნაპოლიდან“ ხვიჩა კვარაცხელიას გარდა გამოკითხვაში მონაწილეობას ალექს მერეტი, კიმ მინ ჯე, სტანისლავ ლობოტკა, ანდრე-ფრანკ ზამბო ანგისა და ვიქტორ ოსიმენი იღებენ.
ხმის მიცემას აღნიშნულ ბმულზე შეძლებთ - მიეცი ხმა.
შეგახსენებთ, რომ ხვიჩა კვარაცხელიამ მიმდინარე სეზონში „ნაპოლის“ მაისურით სერია A-ში 31 მატჩი ჩაატარა, 12 გოლი გაიტანა და 10 საგოლე გადაცემა შეასრულა.
