ჯოკერის ეპოქა დასრულდა | ჯოელ ემბიდი MVP გახდა
NBA-ის რეგულარული სეზონის MVP „ფილადელფია სევენთი სიქსერსის“ ცენტრი, ჯოელ ემბიდი გახდა. ბევრი ვარაუდობდა, რომ აღნიშნულ ჯილდოს ისევ ნიკოლა იოკიჩს გადასცემდნენ და „ჯოკერი“ MVP ზედიზედ მესამედ გახდებოდა, თუმცა სერბი კალათბურთელი მეორე ადგილზე გავიდა.
სპეციალური მედია პანელის 100 წევრიდან ემბიდი პირველზე 73-მა გაიყვანა და ჯოელმა ჯამში 915 ქულა დააგროვა. იოკიჩი პირველ ნომრად 15-მა წევრმა დაასახელა და მან 674 ქულა მიიღო, მესამეზე კი „მილუოკი ბაქსის“ კალათბურთელი, იანის ანტეტოკოუნმპო გავიდა - 606 ქულა.
JOEL "MVP" EMBIID ????
— Yahoo Sports (@YahooSports) May 2, 2023
???? 33.1 PTS
???? 10.2 REB
???? 4.2 AST
???? 1.7 BLK
???? First center to win back-to-back scoring titles since 1974-76
Trust the Process. pic.twitter.com/gjQRtuAisC
ემბიდს საოცარი რეგულარული ჰქონდა და საშუალოდ მატჩში, NBA-ში ყველაზე მეტ ქულას აგროვებდა - 33.1. იგი პარკეტიდან 55 პროცენტით, პერიმეტრიდან 33 პროცენტით, ხოლო საჯარიმო ხაზიდან 86 პროცენტით უტევდა. ჯოელი საშუალოდ 34.6 წუთს თამაშობდა და 33.1 ქულასთან ერთად, 10.2 მოხსნას, 4.2 შედეგიან გადაცემას, 1 ჩაჭრასა და 1.7 დაფარებას იფორმებდა.
ემბიდი ჰაკიმ ოლაჯუვონის შემდეგ, აფრიკაში დაბადებული პირველი კალათბურთელია, რომელიც MVP გახდა. იგი ალენ აივერსონის შემდეგ, „ფილადელფიას“ პირველი წარმომადგენელია, რომელმაც MVP-ის ჯილდო დაისაკუთრა. როგორც მოგეხსენებათ, ემბიდის გუნდი პლეიოფის მეორე რაუნდშია გასული და „ბოსტონს“ 1:0-ს უგებს.
