„ლონდონში უფრო რთული მატჩი იქნება“ - კონტესა და პიოლის კომენტარები
UEFA-ს ჩემპიონთა ლიგის მერვედფინალურ სტადიაზე „მილანმა“ შინ „ტოტენჰემი“ 1:0 დაამარცხა. მატჩის ერთადერთი გოლი „მილანის“ შემტევის, ბრაჰიმ დიაზის ანგარიშზეა.
„მილანის“ მთავარი მწვრთნელი სტეფანო პიოლი: „რთული მატჩი გამოვიდა, თუმცა „ტოტენჰემი“ ძლიერი გუნდია და კიდევ უფრო რთულ მატჩს ლონდონში ველით. კარგი თამაში ვაჩვენეთ, თუმცა სამწუხაროა, რომ მეორე გოლი ვერ გავიტანეთ. ეს გამარჯვება თავდაჯერებას დაგვიბრუნებს და იმ ფეხბურთის თამაშს დავუბრუნდებით, რომელიც მოგვწონს“.
„ტოტენჰემის“ მთავარი მწვრთნელი ანტონიო კონტე: „თანაბარი თამაში გამოვიდა. ჩვენი მინუსი ისაა, რომ მე-7 წუთზე ისეთი გოლი გავუშვით, რომლის თავიდან აცილება დიდი ძალისხმევის გაღების გარეშე, მარტივად შეგვეძლო. ამ გოლის შემდეგ სივრცეების პოვნა გაგვიჭირდა და ანგარიში ვერ გავათანაბრეთ.
„მილანი“ პატივისცემას იმსახურებს, იტალიის მოქმედი ჩემპიონია, თუმცა ჯერ მხოლოდ პირველი შეხვედრა დასრულდა, მეორე მატჩი წინაა. ვეცდებით, შემდეგ ეტაპზე გავიდეთ“.
მატჩის მიმოხილვა
კაკას შემდეგ ბრაჰიმ დიაზი „მილანის“ ყველაზე ახალგაზრდა მოთამაშეა, რომელმაც ჩემპიონთა ლიგის ფლეი-ოფის სტადიაზე გოლი გაიტანა. 2004 წლის მარტში კაკამ 21 წლისა და 336 დღის ასაკში „დეპორტივოს“ გაუტანა. ბრაჰიმ დიაზმა „ტოტენჰემს“ 23 წლისა და 195 დღის ასაკში შეუგდო.
23 - Brahim Díaz ???????? (23 years and 195 days) is the youngest player to score for @acmilan in a @ChampionsLeague KO game since Kaká in March 2004, with a brace against Deportivo de La Coruña in quarterfinals (21y 336d).
— OptaJose (@OptaJose) February 14, 2023
Exciting. pic.twitter.com/3LjowsM9Ul
„ტოტენჰემისა“ და „მილანის“ საპასუხო დაპირისპირება 9 მარტს გაიმართება.