ბითაძის 9 ქულა, 3 პასი და 3 მოხსნა - ინდიანა ჰიუსტონთან დამარცხდა
NBA-ს რეგულარული სეზონის დაწყებამდე „ინდიანა პეისერსმა“ ბოლო ამხანაგური შეხვედრა ჩაატარა. გოგა ბითაძის გუნდი „ჰიუსტონ როკეტსთან“ 114-122 დამარცხდა.
გოგა ბითაძემ პარკეტზე 15 წუთი და 8 წამი გაატარა. მის აქტივში 9 ქულა, 3 პასი და 3 მოხსნაა (1 - შეტევაში). აღსანიშნავია, რომ ქართველ კალათბურთელს, რომელსაც სასტარტო ხუთეულში არ უთამაშია, ბურთი ერთხელაც არ დაუკარგავს. გოგა მხოლოდ ერთხელ დაჯარიმდა.
NBA-ს ახალი სეზონის პირველ მატჩში „ინდიანა პეისერსის“ მეტოქე „ვაშინგტონ ვიზარდსი“ იქნება. შეხვედრა 20 ოქტომბერს, თბილისის დროით 03:00 საათზე დაიწყება.
