დიდი დაბრუნებები NBA-ში - კავაიმ, სიმონსმა, მიურეიმ და ლილარდმა ითამაშეს

ნაციონალურ საკალათბურთო ასოციაციაში წინასასეზონო ეტაპი მიმდინარეობს და გამთენიისას 5 შეხვედრა გაიმართა. დიდხნიანი პაუზის შემდეგ, პარკეტს „ლოს ანჯელეს კლიპერსის“ სუპერვარსკვლავი, კავაი ლეონარდი დაუბრუნდა. ლეონარდს 476 დღე არ უთამაშია და „პორტლენდის“ წინააღმდეგ 16 წუთში 11 ქულა, 4 მოხსნა, 2 ასისტი და 2 ჩაჭრა მიითვალა.

Some of the best plays from Kawhi Leonard's first game back in 476 days ⬇️ pic.twitter.com/Z3teHi2EmW
— NBA (@NBA) October 4, 2022

„პორტლენდისა“ და „კლიპერსის“ დაპირისპირებაში პარკეტზე დემიენ ლილარდიც ვიხილეთ. ამ უკანასკნელმა ტრავმის გამო, გასულ რეგულარულში მხოლოდ 29 მატჩი ჩაატარა და „კლიპერსთან“ შეხვედრაში, რომელიც მისმა გუნდმა 97:102 წააგო, 16 ქულა, 3 მოხსნა, 2 შედეგიანი გადაცემა და 1 ჩაჭრა გაიფორმა.

Dame. 3. Money.#NBAPreseason is live on NBA League Pass!

Start your 7-day Free Trial:
???? https://t.co/rtPKXgcMWx pic.twitter.com/19RoyOcl3U
— NBA (@NBA) October 4, 2022

კალათბურთის ქომაგებისთვის კიდევ ერთი სასიამოვნო ამბავი „დენვერისა“ და „ოკლაჰომასთან“ შეხვედრაში მოხდა. „ნაგეთსის“ ერთ-ერთი ლიდერი, ჯამალ მიურეი საყვარელ საქმიანობას 539-დღიანი პაუზის შემდეგ დაუბრუნდა. მიურეიმ „ოქეისისთან“ 101:112-ით წაგებულ მატჩში 10 ქულა და 2 ასისტი დააგროვა.

Jamal Murray's first bucket in 539 days.

moments like these > pic.twitter.com/v77dS6xlFJ
— NBA (@NBA) October 4, 2022

დაბოლოს, როგორც იქნა, „ბრუკლინის“ მაისურით ბენ სიმონსიც ვიხილეთ. მან 470 დღის შემდეგ პირველად ითამაშა, „ნეთსის“ მაისურით სადებიუტო შეხვედრა ჩაატარა და 6 ქულა, 4 მოხსნა, 5 შედეგიანი გადაცემა და 1 ჩაჭრა გააკეთა. „ბრუკლინი“ „ფილადელფიასთან“ 108:127 დამარცხდა და „სიქსერსის“ რიგებში საუკეთესო ტაირიზ მექსი იყო, რომელმაც 20 ქულა ჩააგდო.