გადაწყვეტილია - ლაკაზეტი ლიონში ბრუნდება
ლაკაზეტის და „არსენალის“ გზები იყრება. დიდი ხანია ფრანგი ფეხბურთელი ახალ კონტრაქტს ხელს არ აწერს. 30 ივნისის შემდეგ ის თავისუფალი აგენტი იქნება. 31 წლის შემტევით „ატლეტიკო“ ინტერესდებოდა, თუმცა, როგორც ჩანს ლაკაზეტიმ სხვა გადაწყვეტილება მიიღო.
გავლენიანი სატრანსფერო ექსპერტი და ცნობილი სპორტული ჟურნალისტი ფაბრიციო რომანო, „ტვიტერის“ საკუთარი გვერდის მეშვეობით იუწყება, რომ ლაკაზეტი მომავალი სეზონიდან ყოფილ კლუბში „ლიონში“ დაბრუნდება.
რომანოს თქმით, სამედიცინო შემოწმების შემდეგ, ოფიციალური განცხადება სულ მალე გამოქვეყნდება. ფრანგი ფეხბურთელი „ლიონს“ თავისუფალი აგენტის სტატუსით შეუერთდება.
Alexandre Lacazette is now set to sign the contract with OL on a free move after medical tests completed. Official statement expected soon. ???????????? #OL
— Fabrizio Romano (@FabrizioRomano) June 8, 2022
ლაკაზეტი „არსენალში“
ფრანგი შემტევი „მეთოფეებს“ 2017 წელს „ლიონიდან“ შეუერთდა. 2017 წლიდან დღემდე, ლაკაზეტიმ „არსენალის“ მაისური ყველა ტურნირზე ერთად 206-ჯერ მოირგო, 71 გოლი გაიტანა და 36 საგოლე გადაცემა შეასრულა.