შუმახერი ფორმულა 1-ში - მიკმა ჰაასთან კონტრაქტი გააფორმა
მიკ შუმახერი, რომელიც ამჟამად ფორმულა 2-ში გამოდის, კარიერას ფორმულა 1-ში გააგრძელებს. ლეგენდარული გერმანელი პილოტის, მიხაელ შუმახერის შვილმა კონტრაქტი „ჰაასთან“ გააფორმა და 2021 წელს სწორედ ამ საჯინიბოს ბოლიდს ჩაიბარებს.
„ყოველთვის მჯეროდა, რომ ეს ოცნება რეალობად იქცეოდა. ჰაასის ფორმულა 1-ის გუნდში ასპარეზობა საოცარი შეგრძნებაა და უბედნიერესი ვარ. დიდი მადლობა ყველას, ვინც მთელი ამ ხნის განმავლობაში მხარს მიჭერდა“, - დაწერა მიკ შუმახერმა „ტვიტერის“ საკუთარ გვერდზე.
Always believed that this dream will become true! Racing for Haas F1 Team next year is an incredible feeling, and I couldn’t be happier. Thanks to everyone who supported me all the way! @HaasF1Team #HaasF1 #F1 @ScuderiaFerrari @insideFDA #essereFerrari pic.twitter.com/RgKrXUdKrk
— Mick Schumacher (@SchumacherMick) December 2, 2020
ცნობისთვის, გერმანელი პილოტი ფორმულა 2-ის მიმდინარე ჩათვლას ლიდერობს და ჩემპიონობასთან ძალიან ახლოსაა. გავრცელებული ინფორმაციით, მომდევნო სეზონში მისი თანაგუნდელი ნიკიტა მაზეპინი იქნება.
