ოფიციალურად: ნურმაგომედოვისა და ფერგიუსონის დაპირისპირება დაანონსდა!
უკვე ოფიციალურად გახდა ცნობილი, რომ შერეული ორთაბრძოლების მილიონობით გულშემატკივარი ხაბიბ ნურმაგომედოვისა და ტონი ფერგიუსონის ბრძოლას იხილავს! ნანატრ ჯახს 18 აპრილს ბრუკლინში Barclays Center-ში UFC 249-ზე ვიხილავთ.
ხაბიბისა და ფერგიუსონის ბრძოლის შესახებ ინფორმაცია რამდენიმე კვირით ადრეც ვრცელდებოდა და ყველამ იცოდა, რომ ეს აუცილებლად მოხდებოდა, თუმცა ამჯერად ყველაფერმა ოფიციალური სახე მიიღო.
It’s official 18 April Barclays Center Brooklyn. #UFC249 Tony vs. Khabib. pic.twitter.com/eqALPcAj25
— Crack Hardly (@CrackHardly) December 14, 2019
ორივე მებრძოლი 2020 წლის 18 აპრილს ბრწყინვალე ფორმაში და შედეგებით ხვდება. ნურმაგომედოვსაც და ფერგიუსონსაც ბოლო 12 ბრძოლა მოგებული აქვთ და მე-13 რომელიმე მათგანისთვის ცუდად დასრულდება.
შეგახსენებთ, რომ ეს ტონი ფერიგიუსონისა და ხაბიბ ნურმაგომედოვის დაპირისპირების მე-5 მცდელობა გახლავთ და როგორც იქნა შეთანხმება შედგა. აქამდე ბრძოლები 2015, 2016, 2017 და 2018 წლებში უნდა გვეხილა, თუმცა რიგ მიზეზთა გამო მებრძოლები უარს აცხადებდნენ.