ლიპარტელიანი JudoMedal Challenge-ში ჩაერთო
ძიუდოს საერთაშორისო ფედერაციის მიერ დაწყებულ JudoMedal Challenge-ში ქართველი ვარლამ ლიპარტელიანი ჩაერთო. გამოწვევის მიხედვით ძიუდოისტს მედალთან ერთად ფოტოს გადაღება ევალება. ამასთან ერთად სამი ძიუდოისტი უნდა მონიშნოს და JudoMedal Challenge-ში გამოიწვიოს.
ჩეხმა ლუკაშ კრპალეკმა JudoMedal Challenge-ში ვარლამ ლიპარტელიანი, ქართველი გიორგი ზანთარაია და ვეტერანი იაპონელი ძიუდოისტი კოსეი ინუე გამოიწვია.
ლიპარტელიანმა გამოწვევაში 4 ძიუდოისტი, ესპანეთის ნაკრების ქართველი ლიდერი ნიკოლოზ შერაზადიშვილი, ებრაელი პეტერ პალჩიკი, სამხრეთკორეელი გუჰამ ჩო და იაპონელი აარონ ვოლფი ჩართო.