ლუხუმ ჩხვიმიანი მსოფლიო ჩემპიონია! ქართველის ტრიუმფი იაპონიაში!
იაპონიაში, კერძოდ კი ოკიოში მიმდინარე ძიუდოს მსოფლიო ჩემპიონატზე პირველი დღის შეხვედრები მიმდინარეობს.
პირველივე საჭიდაო დღე ქართული ჰიმნით დაიხურება! ლუხუმ ჩხვიმიანმა 7 ბრძოლის მოგება მოახერხა, ფინალში კი უზბეკი მეტოქე ტაქტიკურად დაჯაბნა და თავის სტილში, კონტრშეტევაზე დააიპონა.
ჩხვიმიანი ძიუდოისტთა შორის მე-8 ქართველი მსოფლიო ჩემპიონია!
ჩხვიმიანმა ნახევარფინალში მასპინძელ იაპონელ ნაგაიამას დაუპირისპირდა და დაძაბულ ბრძოლაში გაიმარჯვა. ძირითად დროში გამარჯვება ვერცერთმა ძიუდოისტმა ვერ შეძლო. დამატებით დროში ქართველმა დრამატულ ბრძოლაში იპონით იმარჯვა.
ნაგაიამასთან ჩხვიმიანს დღემდე 2 ბრძოლა ჰქონდა ჩატარებული და ორივეში მარცხი ჰქონდა ნაწვნევი, თუმცა ამჯერად გამარჯვება ქართველს დარჩა.
ჩხვიმიანმა მეოთხედფინალში ტაიპეელი იანგი კონტრილეთზე გამოიჭირა და ულამაზესი ვაზარი შეუსრულა.
ქართველის მეტოქე მე/16-ფინალში ბრაზილიელი ერიკ ტაკაბატაკე იყო, რომელიც დამატებით დროში ვაზარით დაამარცხა და ურთულესი გამარჯვება მოიპოვა.
მერვედფინალში ჩხვიმიანმა უკრაინელ არტიომ ლესიუკს ბრწყინვალე იპონით მოუგო.
