„ვალენსიას ერთ-ერთი სიმბოლო“ | Marca-ს სტატია მამარდაშვილზე
Marca-მ „ვალენსიას“ ქართველ მეკარეს, გიორგი მამარდაშვილს სტატია მიუძღვნა. ცნობილი ესპანური გამოცემა „ხეტაფესთან“ გამართულ შეხვედრას გამოეხმაურა, რომელშიც „მამარდამ“ კარი მშრალად შეინახა და მისმა გუნდმა 1:0 იმარჯვა.
„გიორგი მამარდაშვილი ვალენსიას ერთ-ერთი ბურჯია. ქართველ მეკარეს გუნდი რთული სიტუაციებიდან გამოჰყავს, ბევრი ქულა გადაურჩენია და გადამწყვეტი მოთამაშეა. იყო მომენტები, როცა ძალიან დიდი სამუშაოს გაწევა მოუწია და ყველაფერს უმაღლეს დონეზე გაუმკლავდა. გიორგი შეპყრობილია „+3 და მშრალი კარით“ და ბოლო შეხვედრაში ეს კიდევ ერთხელ გააკეთა.
გასულ ტურში, მან პირადი რეკორდი დაამყარა და მიმდინარე სეზონში, გოლი მეცხრე შეხვედრაში არ გაუშვა. მამარდამ 2021-22 წლების სეზონის შედეგი გააუმჯობესა, როცა კარი მშრალად 8 შეხვედრაში შეინახა და უკეთესი მაჩვენებელი აქვს, ვიდრე 2022-23 წლების გათამაშებაში ჰქონდა (6). გიორგი ამ ვალენსიას ერთ-ერთი სიმბოლოა და ლა ლიგაში ზედიზედ 65 მატჩი აქვს ჩატარებული, თუმცა ბევრად დიდი ამბიციები აქვს, ვიდრე ჩეს რიგებში თამაშია“, - წერს ესპანური გამოცემა.
შეგახსენებთ, რომ კარგი თამაშის წყალობით, მამარდაშვილი ევროპული გრანდების რადარზე მოექცა. მისით პრემიერ ლიგის კლუბები არიან დაინტერესებული და ყველაზე ხშირად „ნიუკასლზე“ იწერება, თუმცა, რამდენჯერმე „ტოტენჰემი“ ახსენეს.