უეფა-ს გვერდი გულშემატკივრებს ხვიჩა კვარაცხელიას სახელის სწორად წარმოთქმას ასწავლის
მას შემდეგ, რაც ხვიჩა კვარაცხელია მსოფლიო ფეხბურთმა გაიცნო, მისი გვარის წარმოთქმა დღემდე ბევრ ადამიანს უჭირს.
უეფა-ს ოფიციალური გვერდი გულშემატკივრებს სახალისო ჩელენჯს სთავაზობს. ფეხბურთის მმართველმა ორგანომ, სოციალურ ქსელში განათავსა ვიდეო, რომელსაც ასეთი სათაური აქვს:
„როგორ წარმოვთქვათ კვარაცხელია სწორად.“
ვიდეოში „ჯვაროსნების“ შემტევი გარკვევით ამბობს თავის სახელს და გვარს.
View this post on Instagram
შეგახსენებთ, რომ გასული სეზონის ჩემპიონთა ლიგაზე, „კვარამ“ 9 მატჩში მიიღო მონაწილეობა, 2 გოლი გაიტანა და 4 საგოლე გადაცემა შეასრულა.
„ნაპოლი“ მეოთხედფინალში „მილანთან“ დამარცხდა და ევროპის ყველაზე პრესტიჟულ ტურნირს გამოეთიშა. მიუხედავად ამისა, გასული წლის ჩემპიონთა ლიგის საუკეთესო ახალგაზრდა ფეხბურთელი მაინც ხვიჩა კვარაცხელია გახდა.
