მამარდა და ბაიერნი | კონკრეტული საუბრები მომდევნო დღეებში დაიწყება
„ვალენსიას“ ქართველი მეკარე, გიორგი მამარდაშვილი „ბაიერნის“ რადარზე იმყოფება. „რეკორდმაისტერის ინტერესის შესახებ ცნობილმა სატრანსფერო ექსპერტმა, ფაბრიციო რომანომ გუშინ დაწერა, გამთენიისას კი ახალი ინფორმაცია მოგვაწოდა.
როგორც რომანო აცხადებს, „ბაიერნი“ მამარდაშვილის ტრანსფერის თაობაზე კონკრეტულ საუბრებს მომდევნო დღეებში დაიწყებს. საქართველოს ნაკრების მეკარე „რეკორდმაისტერის“ რიგებში გადასვლაზე თანახმაა. ამ ეტაპზე, გერმანული გრანდი ჰარი კეინის ტრანსფერითაა დაკავებული და პრიორიტეტი სწორედ ინგლისელი სუპერვარსკვლავი გახლავთ.
Bayern are expected to open concrete talks for Giorgi Mamardashvili in the next days. ???????????? #FCBayern
— Fabrizio Romano (@FabrizioRomano) July 5, 2023
He’s understood to be keen on the move at Bayern.
Club still busy with Harry Kane as top priority target but Georgian GK is in the list, waiting for Valencia. pic.twitter.com/FQKSWTR8fk
რომანოს მსგავსი ინფორმაცია ვრცელდება გერმანულ პრესაშიც. BILD-ის მიხედვით, „ბაიერნის“ სატრანსფერო კომიტეტს ამ კვირაში, შეხვედრა, რომელზეც სხვა გეგმები უნდა განიხილოს, არ ჩაუნიშნავს. კლუბს მთელი ყურადღება ჰარი კეინზე აქვს გადატანილი და ცდილობს, გარიგება ბოლომდე მიიყვანოს.
შეგახსენებთ, რომ მამარდაშვილს „ვალენსიასთან“ კონტრაქტი 2027 წლის ზაფხულამდე აკავშირებს. მისი გამოსასყიდი თანხა 100 მილიონი ევროა, მაგრამ ესპანურ გამოცემებს თუ დავუჯერებთ, „ვალენსია“ მზადაა, 20 მილიონად შეელიოს.