ლუის ენრიკე ლონდონშია | ჩელსისთან მოლაპარაკებებს გამართავს
„ჩელსი“ ახალ მთავარ მწვრთნელს ეძებს და 2 კანდიდატი ჰყავს შერჩეული. ბრიტანული გამოცემების ინფორმაციით, „ლურჯებს“ სურთ, გუნდი ლუის ენრიკეს ან იულიან ნაგელსმანს ჩააბარონ და ესპანელი სპეციალისტი უკვე ინგლისში იმყოფება.
ცნობილი სატრანსფერო ექსპერტის, ფაბრიციო რომანოს ინფორმაციით, ენრიკე ლონდონში თავის წარმომადგენლებთან ერთად ჩაფრინდა და „არისტოკრატების“ ხელმძღვანელებთან მოლაპარაკებებს გამართავს. იგი „ჩელსის“ ჩაბარებით დაინტერესებულია და მისი დანიშვნის იდეა „სტემფორდ ბრიჯზეც“ მოსწონთ.
Luis Enrique has arrived in London with representative in order to discuss with Chelsea — can confirm he’s in England right now, as @JijantesFC called ????????????️ #CFC
— Fabrizio Romano (@FabrizioRomano) April 5, 2023
Luis Enrique, 100% keen on Chelsea job.
ℹ️ Chelsea will also continue talks with Nagelsmann, favourite candidate. pic.twitter.com/BXXMbDILoZ
ესპანელი სპეციალისტის გარშემო განვითარებული მოვლენების მიუხედავად, „ჩელსი“ იულიან ნაგელსმანთან კონტაქტს არ წყვეტს. გერმანელი სპეციალისტი „არისტოკრატების“ ხელმძღვანელთა ფავორიტია და მასთან მოლაპარაკებები გრძელდება.
შეგახსენებთ, რომ „ჩელსის“ სურს, გუნდი ჩააბაროს სპეციალისტს, რომელსაც ტოპ კლუბში მუშაობის გამოცდილება აქვს და ზეწოლასთან გამკლავება შეუძლია.
