უკრაინელს რუსი უწოდა - მალინოვსკის სურს ბოდიში პირდაპირ ეთერში მოუხადონ
უკრაინელი ფეხბურთელი რუსლან მალინოვსკი beIN Sports-ის კომენტატორისგან ბოდიშის მოხდას ითხოვს. საფრანგეთის ლიგა 1-ის 23-ე ტურში „კლერმონისა“ და მარსელის“ შეხვედრის 26-ე წუთზე ინგლისურენოვანმა კომენტატორმა ფილ შოენმა მალინოვსკის მისამართით შემდეგი რამ თქვა: „რუსი ურტყამს, ბურთი თითქმის მოსკოვამდე ჩაფრინდა“.
მატჩის შემდეგ „მარსელის“ ფეხბურთელმა Twitter-ში დაწერა, რომ სურს, შემდეგი რეპორტაჟისას აღნიშნულმა კომენტატორმა ბოდიში მოუხადოს.
ფილ შოენმა Twitter-ში დაწერა, რომ სტადიონზე გაშვებულმა ცრემლსადენმა გაზმა თვალები აუვსო და მისი შეცდომა ამ დისკომფორტმაც განაპირობა. შოენი თავის გამართლებას შეეცადა, აღნიშნა, რომ ცრემლსადენის ღრუბელში იჯდა. მან მალინოვსკის ბოდიში მოუხადა, თუმცა უკრაინელ ფეხბურთელს ამის პირდაპირ ეთერში მოსმენის სურვილი აქვს.
მალინოვსკი: „არ ვფიქრობ, რომ საფრანგეთში გაშვებული გაზი ეფექტს ფლორიდაში ახდენდეს. რადგან შეცდომა სატელევიზიო რეპორტაჟისას დაუშვი, მსურს ბოდიში შემდეგი რეპორტაჟის დროს მოვისმინო“.
მალინოვსკის მეუღლემ განაცხადა, რომ ამგვარ არაკომპეტენტურ კომენტატორებს თამაში არ უნდა მიჰყავდეთ.
Damn, I didn't think that gas in France could make effects in Florida. I'm sorry.
— Ruslan Malinovskyi (@malinovskyi18) February 12, 2023
Because you made a mistake on TV, I would like to hear apologies during the next livestream, not on Twitter.
29 წლის რუსლან მალინოვსკი 2019 წლიდან ბერგამოს „ატალანტას“ ფეხბურთელია. მიმდინარე წლის დასაწყისში იჯარით „მარსელში“ გადავიდა, სადაც ლიგა 1-ის 6 შეხვედრაში 1 გოლი შეაგდო.
