კაპიტანი დაბრუნდა - თორნიკე შენგელიამ ვირტუს ბოლონიას რიგებში ითამაშა
საქართველოს საკალათბურთო ნაკრების კაპიტანი, თორნიკე შენგელია დიდხნიანი პაუზის შემდეგ, პარკეტს დაუბრუნდა. „ვირტუს ბოლონიას“ ლიდერმა მიმდინარე სეზონის სადებიუტო შეხვედრა ევროლიგაზე, „ლიონ ვილერბანის“ წინააღმდეგ ჩაატარა. სამწუხაროდ, თოკოს დაბრუნება წარუმატებელი გამოდგა და მისი გუნდი 79:84 დამარცხდა.
Toko Shengelia scored his first bucket for Virtus Bologna this season, and this is how PalaDozza reacted. Great stuff as always by these fans. pic.twitter.com/QfGpVqCGsO
— Cesare Milanti (@cesaremilanti) November 4, 2022
შენგელია თამაშში სათადარიგოთა სკამიდან ჩაერთო და პარკეტზე 16 წუთი და 38 წამი გაატარა. ამ დროში, მისი მონაგარი 7 ქულა, 3 მოხსნა და 1 შედეგიანი გადაცემა, გახლდათ. თორნიკემ 6-დან 2 ორქულიანი ჩააგდო და 1 სამქულიანი გამოიყენა, მისი სარგებლიანობის კოეფიციენტი კი 4 გახლდათ.
Toko Shengelia spins and feeds Ismael Bako for a super slam????@Virtusbo #7DAYSMagicMoment pic.twitter.com/PsUuB12O9K
— Turkish Airlines EuroLeague (@EuroLeague) November 4, 2022
შეგახსენებთ, რომ შენგელიამ ტრავმა ნიდერლანდებთან მატჩში მიიღო, რის შემდეგაც გადაწყდა, რომ ევრობასკეტზე საქართველოს ნაკრებს ვერ დაეხმარებოდა. თავდაპირველად, ვარაუდობდნენ, რომ მას ოპერაცია ჩაუტარდებოდა, თუმცა პირველ სექტემბერს ჩატარებული გამოკვლევიდან გამომდინარე, შენგელია ქირურგიულ ჩარევას გადაურჩა.
30 წლის კალათბურთელი „ვირტუს ბოლონიას“ 2022 წლის მარტში შეუერთდა და კლუბთან ერთად ევროთასის გამარჯვებული გახდა. იტალიის ჩემპიონატის ეგიდით, მან მონაწილეობა 19 შეხვედრაში მიიღო და 12.8 ქულას, 5.2 მოხსნას და 2.7 შედეგიან გადაცემას აგროვებდა.
