ლა ლიგა: ქოჩორაშვილი რაიო ვალეკანოსთან განაცხადშია
ლა ლიგის 2021-22 წლების სეზონის დასკვნით ტურში ''რაიო ვალეკანო'' ''ლევანტეს'' უმასპინძლებს. ''ლევანტეს'' სამატჩო განაცხადში გიორგი ქოჩორაშვილი იქნება. ინფორმაციას ვალენსიური კლუბის ოფიციალური ვებგვერდი ადასტურებს.
CONVOCATORIA | Lista de jugadores convocados para el #RayoLevante https://t.co/CMOlgeU5q9
— Levante UD ???? (@LevanteUD) May 20, 2022
''რაიო ვალეკანოსა'' და ''ლევანტეს'' შეხვედრა 20 მაისს, თბილისის დროით 23:00 საათზე დაიწყება.
22 წლის ნახევარმცველი გიორგი ქოჩორაშვილი 2019 წლიდან ''ლევანტეში'' ასპარეზობს, თუმცა მეტწილად სარეზერვო გუნდში გამოდის.
2020-21 წლებში ''ლევანტეს'' პირველ გუნდში 6 მატჩი ჩაატარა. აღსანიშნავია, რომ ესპანეთის სამეფო თასზე ''მურსიას'' გაუტანა. მიმდინარე სეზონში ''ლევანტეს'' პირველ გუნდში არ უასპარეზია.
მიმდინარე სეზონში ''ლევანტეს'' სარეზერვო გუნდში 13 მატჩი ჩაატარა, მის აქტივში 2 გოლია.