ხვიჩას მორიგი შედეგიანი მატჩი - მესამე გოლი და მერვე საგოლე გადაცემა
რუსეთის პრემიერ ლიგის 2020-21 წლების სეზონის 22-ე ტურში ჯიმი ტაბიძის ''უფა'' საკუთარ მოედანზე ყაზანის ''რუბინთან'' 0:3 დამარცხდა. ''რუბინმა'' უფაში 5-წლიანი პაუზის შემდეგ გაიმარჯვა.
სლუცკის გუნდის სასტარტო შემადგენლობაში ხვიჩა კვარაცხელიამ ითამაშა, ქართველი ტალანტი 84-ე წუთზე შეცვალეს. ასევე სასტარტოში მოხვდა ''უფას'' ცენტრალური მცველი ჯიმი ტაბიძე, რომელმაც შეუცვლელად იასპარეზა.
ხვიჩა კვარაცხელიამ მიმდინარე წელს რუსეთის პრემიერ ლიგაში 3 მატჩი ჩაატარა. მის ანგარიშზე 1 გოლი და 2 საგოლე გადაცემაა.
მან პირველი გოლისას საგოლე პასი შეასრულა, რომელიც გოლად დენის მაკაროვმა აქცია. ანგარიში 30-ე წუთზე გაიხსნა.
კვარაცხელიას საგოლე გადაცემა
42-ე წუთზე ხვიჩა კვარაცხელიამ ანგარიში ორამდე გაზარდა. 20 წლის ქართველმა ტალანტმა მიმდინარე სეზონში ოფიციალურ მატჩებში პირველი გოლი შეაგდო.
კვარაცხელიას გოლი
მიმდინარე სეზონში ხვიჩა კვარაცხელიამ პრემიერ ლიგის 19 მატჩში 3 გოლითა და 8 საგოლე პასით (გამომუშავებული პენალტებიც იგულისხმება) გამოიჩინა თავი.
ზამთრის პაუზის შემდეგ ლეონიდ სლუცკის ''რუბინმა'' პრემიერ ლიგაში 3 მატჩი ჩაატარა და ქულათა მაქსიმუმი მოიპოვა.
სატურნირო ცხრილში ხვიჩა კვარაცხელიას გუნდი 37 ქულით მე-5 ადგილზეა. ასევე 37 ქულაა მეოთხეადგილოსანი ''სოჭის'' ანგარიშზე, თუმცა სოჭურ კლუბს ერთით ნაკლები შეხვედრა აქვს ჩატარებული.